ຂ່າວຫຼ້າສຸດ

ຢູ-16 ສາວ​ລາວ ເສຍ​ໃຫ້ ໄທ 0-3 ຊີງ​ຂັນ​ອາ­ຊີ 2017

176 12 ກ.ຍ. 2017 ວົງຈອນກີລາ
ຢູ-16 ສາວ​ລາວ ເສຍ​ໃຫ້ ໄທ 0-3 ຊີງ​ຂັນ​ອາ­ຊີ 2017

    ການ​ແຂ່ງ­ຂັນ​ເຕະ­ບານ​ຍິງ​ຊີງ​ຂັນ​ອາ­ຊີ ຮຸ່ນ​ອາ­ຍຸ​ບໍ່​ເກີນ 16 ປີ ຮອບ​ສຸດ​ທ້າຍ​ວັນ​ທີ 10 ກັນ­ຍາ 2017 ທີ່​ສະ­ໜາມ​ຊົນ​ບູ​ລີ ປະ­ເທດ​ໄທ ທີມ​ຊາດ​ສາວ​ລາວ ລົງ​ແຂ່ງ­ຂັນ​ນັດ​ທຳ​ອິດ ພົບ​ກັບ ທີມ​ສາວ​ໄທ ຜ່ານ​ການ​ແຂ່ງ­ຂັນ​ຜົນ​ປາ­ກົດ​ວ່າ: ນັກ­ກີ­ລາ​ເຕະ­ບານ​ຍິງ​ທີມ​ຊາດ​ລາວ U-16 ຕ້ານ­ທານ​ຄວາມ​ແຂງ​ແກ່ນ​ຂອງ​ເຈົ້າ­ພາບ​ທີມ​ສາວ​ໄທ​ບໍ່​ໄດ້​ປາ​ລະ​ໄຊ​ໄປ​ເປັນ​ນັດ​ທຳ​ອິດ 0-3.

    ສຳ­ລັບ​ການ​ແຂ່ງ­ຂັນ​ເຕະ­ບານ​ຍິງ​ຊີງ​ຂັນ​ອາ­ຊີ​ຮຸ່ນ​ອາ­ຍຸ​ບໍ່​ເກີນ 16 ປີ ຮອບ​ສຸດ​ທ້າຍ​ທີ່​ແຂວງ​ຊົນ​ບຸ​ຣີ ປະ­ເທດ​ໄທ ເປັນ​ເຈົ້າ­ພາບ ຈັດ​ຂຶ້ນ​ວັນ​ທີ 10-23 ກັນ­ຍາ 2017 ສ່ວນ​ຕາ­ຕະ­ລາງ​ການ​ແຂ່ງ­ຂັນ​ຂອງ​ທີມ​ຊາດ​ລາວ ນັດ​ຕໍ່​ໄປ​ວັນ​ທີ 13 ກັນ­ຍາ 2017 ເວ­ລາ 17:00 ໂມງ ພົບ​ກັບ ທີມ​ຊາດ ສປ ຈີນ ທີ່​ສະ­ໜາມ Institute of Physical Education Stadium ວັນ​ທີ 16 ກັນ­ຍາ 2017 ເວ­ລາ 18:00 ໂມງ ພົບ​ກັບ ທີມ​ຊາດ ສ ເກົາ­ຫຼີ ທີ່​ສະ­ໜາມ Institute of Physical Education ເຊິ່ງ​ການ​ແຂ່ງ­ຂັນ​ຄັ້ງ​ນີ້​ຈະ​ເອົາ​ອັນ​ດັບ 1-3 ຜ່ານ​ເຂົ້າ​ໄປ​ຫຼິ້ນ​ໃນ​ການ​ແຂ່ງ­ຂັນ​ບານ­ເຕະ​ຊີງ​ຂັນ​ຊະ­ນະ​ເລີດ​ໂລກ ຮຸ່ນ​ອາ­ຍຸ​ບໍ່​ເກີນ 17 ປີ ທີ່​ປະ­ເທດ​ອຸ​ຣຸ​ໄກວ ໃນ​ປີ 2018.

ຂ່າວທີ່ກ່ຽວຂ້ອງ