ນັກ­ກີ­ລາ​ເທ​ຄວັນ​ໂດ ຍາດ​ໄດ້​ຫຼຽນ​ເງິນ ໃນ​ກົວ​ລາ​ລຳ​ເປີ ເກມ

494 30 ສ.ຫ. 2017 ວົງຈອນກີລາ
ນັກ­ກີ­ລາ​ເທ​ຄວັນ​ໂດ ຍາດ​ໄດ້​ຫຼຽນ​ເງິນ ໃນ​ກົວ​ລາ​ລຳ​ເປີ ເກມ

    ນາງ ກິ​ດາ​ວອນ ພິ­ລາ​ວົງ ນັກ­ກີ­ລາ​ເທ​ຄວັນ​ໂດ ທີມ​ຊາດ​ລາວ ຈາກ​ແຂວງ​ຊຽງ​ຂວາງ ສາ­ມາດ​ຍາດ​ໄດ້ 1 ຫຼຽນ​ເງິນ ຈາກ​ກີ­ລາ​ເທ​ຄວັນ​ໂດ​ປະ­ເພດ​ຟ້ອນ​ປຸ້ມ​ເຊ້ ໃຫ້​ທີມ​ນັກ­ກີ­ລາ​ລາວ ໃນ​ການ​ແຂ່ງ­ຂັນ​ກີ­ລາ​ເທ​ຄວັນ​ໂດ ງານ​ມະ ຫາ​ກຳ​ກີ­ລາ​ຊີ­ເກມ ຄັ້ງ​ທີ 29 ຫຼື ກົວ​ລາ​ລຳ​ເປີ ເກມ ທີ່​ປະ­ເທດ​ມາ​ເລ​ເຊຍ ເປັນ​ເຈົ້າ­ພາບ​ລະ­ຫວ່າງ​ວັນ​ທີ 19-30 ສິງ­ຫາ 2017.

    ການ​ແຂ່ງ­ຂັນ​ກິ­ລາ​ເທ​ຄວັນ​ໂດ ຄັ້ງ​ນີ້  ມີ 11 ປະ­ເທດ ມີ​ການ​ຊີງ 15 ຫຼຽນ​ຄຳ ຈາກ​ປະ­ເພດ​ຟ້ອນ​ປຸ້ມ​ເຊ ແລະ ປະ­ເພດ​ຕໍ່­ສູ້​ປ້ອງ​ກັນ​ຕົວ ສະ­ເພາະ​ປຸ້ມ​ເຊ ມີ 5 ລາຍ­ການ ແລະ ປະ­ເພດ​ຕໍ່­ສູ້ ມີ 10 ລາຍ­ການ ໂດຍ​ເຈົ້າ ພາບ ໄດ້​ກຳ­ນົດ​ໃຫ້​ບັນ­ດາ​ປະ­ເທດ​ຊາດ​ສົ່ງ​ນັກ­ກີ­ລາ​ເຂົ້າ​ຮ່ວມ​ໄດ້​ພຽງ 3 ລາຍ­ການ ສ່ວນ​ເຈົ້າ­ພາບ ມີ​ສິດ​ສົ່ງ​ຮ່ວມ​ໄດ້​ທຸກ​ລາຍ­ການ ສຳ­ລັບ​ນັກ­ກີ­ລາ​ເທ​ຄວັນ​ໂດ​ລາວ ສົ່ງ​ເຂົ້າ​ຮ່ວມ 10 ຄົນ ຈາກ 9 ລາຍ­ການ ຄື: ປະ­ເພດ​ຕໍ່­ສູ້ 6 ລາຍ­ການ ຍິງ 3 ລາຍ­ການ ແລະ ຟ້ອນ 3 ລາຍ­ການ.

    ສຳ­ລັບ​ຜົນ­ງານ​ຂອງ​ນັກ­ກີ­ລາ​ເທ​ຄວັນ​ໂດ​ລາວ ສາ­ມາດ​ຍາດ​ໄດ້ 1 ຫຼຽນ​ເງິນ ຈາກ​ນາງ ກິ​ດາ​ວອນ ພິ­ລາ​ວົງ ຟ້ອນ​ປຸ້ມ​ເຊ້​ດ່ຽວ​ຍິງ ແລະ 2 ຫຼຽນ​ທອງ ປະ­ເພດ​ຕໍ່­ສູ້ ຈາກ​ນາງ ສຸກ​ສະ­ໄໝ ເພັງ​ຄຳ​ອ່ອນ ຮຸ່ນ​ນ້ຳ­ໜັກ 57 ກິ​ໂລກ​ຣາມ ແລະ ທ້າວ ສິດ­ທິ­ກອນ ສໍ​ພາບ​ມີ​ໄຊ ຮູ່ນ​ນ້ຳ­ໜັກ 68 ກິ​ໂລກ​ຣາມ ແນວ­ໃດ​ກໍ່​ຕາມ ທີມ​ນັກ­ກີ­ລາ​ລາວ ຍັງ​ເຫຼືອ​ລຸ້ນ​ອີກ 2 ລາຍ­ການ ໄດ້​ຊີງ​ຫຼຽນ​ເງິນ​ຈາກ​ທ້າວ ສັນ​ໂດງ ໄຊ​ຍະ​ກຸມ­ມານ ຮຸ່ນ​ນ້ຳ­ໜັກ 58 ກິ​ໂລກ​ຣາມ ພົບ​ກັບ ໄທ ລາຍ­ການ​ດັ່ງ­ກ່າວ ມີ 5 ປະ­ເທດ​ເຂົ້າ​ຮ່ວມ ແລະ ນາງ ສອນ​ສະ­ຫວັນ ສີ​ລິ​ມະ­ໂນ​ທຳ ຮຸ່ນ​ນ້ຳ­ໜັກ 73 ກິ​ໂລກ​ຣາມ ພົບ​ກັບ ຟິ​ລິບ​ປິນ.

ຂ່າວທີ່ກ່ຽວຂ້ອງ