ຫຼອດ​ແກ້ວ ນັກ­ກີ­ລາ​ແລ່ນ ແຈ້ງ​ເກີດ​ໃນ​ຊີ­ເກມ

476 30 ສ.ຫ. 2017 ວົງຈອນກີລາ
ຫຼອດ​ແກ້ວ ນັກ­ກີ­ລາ​ແລ່ນ ແຈ້ງ​ເກີດ​ໃນ​ຊີ­ເກມ

    ນາງ ຫຼອດ​ແກ້ວ ອິນ​ທະ​ກຸ່ມ​ມານ ນັກ­ກີ­ລາ​ແລ່ນ-ລານ​ທີມ​ຊາດ​ລາວ ສາວ​ບ້ານ​ວັດ​ຫຼວງ ເມືອງ​ປາກ​ຊ່ອງ ແຂວງ​ຈຳ­ປາ​ສັກ ແຈ້ງ​ເກີດ​ໃນ​ຊີ­ເກມ ຫຼັງ​ຈາກ​ຍາດ​ໄດ້​ຫຼຽນ​ທອງ ເຊິ່ງ​ເປັນ​ຫຼຽນ​ທຳ​ອິດ ແລະ ເປັນ​ຫຼຽນ​ດຽວ ຂອງ​ທີມ​ນັກ­ກີ­ລາ​ແລ່ນ-ລານ​ລາວ ໃນ​ລາຍ­ການ 1.500 ແມັດ​ຍິງ ການ​ແຂ່ງ­ຂັນ​ແລ່ນ-ລານ ງານ​ມະ​ຫະ​ກຳ​ກີ­ລາ​ຊີ­ເກມ ຄັ້ງ​ທີ 29 ຫຼື ກົວ​ລາ​ລຳ​ເປີ ເກມ ທີ່​ປະ­ເທດ​ມາ​ເລ​ເຊຍ ເປັນ​ເຈົ້າ­ພາບ ລະ­ຫວ່າງ​ວັນ​ທີ 19-30 ສິງ­ຫາ​ນີ້.

    ການ​ແຂ່ງ­ຂັນ​ກີ­ລາ​ແລ່ນ-ລານ ໃນ​ກົວ​ລາ​ລຳ​ປີ ເກມ 2017 ຄັ້ງ​ນີ້ ມີ​ການ​ຊີງ 40 ກວ່າ​ລາຍ­ການ ມີ 11 ປະ­ເທດ​ເຂົ້າ​ຮ່ວມ ສະ­ເພາະ​ນັກ­ກີ­ລາ​ແລ່ນ-ລານ​ລາວ ສົ່ງ​ເຂົ້າ​ຮ່ວມ​ແຂ່ງ­ຂັນ 12 ຄົນ ຈາກ​ທັງ​ໝົດ 17 ລາຍ­ການ ຜ່ານ​ການ​ແຂ່ງ­ຂັນ​ຜົນ​ປາ­ກົດ​ວ່າ: ມີ​ພຽງ ນາງ ຫຼອດ​ແກ້ວ ອິນ​ທະ​ກຸມ­ມານ ທີ່​ລົງ​ແຂ່ງ­ຂັນ 2 ລາຍ­ການ ຄື ແລ່ນ 1.500 ແມັດ ແລະ 5.000 ແມັດ ກາຍ­ເປັນ​ນັກ­ກີ­ລາ​ແລ່ນ-ລານ​ໜຶ່ງ​ດຽວ ທີ່​ສາ­ມາດ​ຍາດ​ໄດ້ 1 ຫຼຽນ​ທອງ ຈາກ​ແລ່ນ 1.500 ແມັດ ສ່ວນ ຫຼຽນ​ເງິນ ແລະ ຫຼຽນ​ຄຳ ຕົກ​ເປັນ​ຂອງ ນັກ­ກີ­ລາ​ຈາກ ສສ ຫວຽດ­ນາມ.

ຂ່າວທີ່ກ່ຽວຂ້ອງ