ຂ່າວຫຼ້າສຸດ

ຮູ້ພາສາລາວ ມື້ລະຄຳ - ໂດຍ: ແສງ​ຈັນ ສຸ​ຂະ​ເສມ : ຮ້ອຍ

384 29 ສ.ຫ. 2017 ຫົວຂໍ້ຂ່າວອື່ນໆ

ຄຳ​ກິ­ລິ­ຍາ ຄຳ​ລາວ​ເດີມ ແປ​ວ່າ ເອົາ​ເຂັມ​ສອດ​ໃສ່ ເພື່ອ​ໃຫ້ເປັນ​ພວງ ຫຼື​ ຫຍິບ​ໃສ່ກັນ​ເຮັດ​ເປັນ​ພົ້ວ ຫຼື ພວງ (ວັດ​ຈະນາ​ນຸກົມ​ພາ­ສາ​ລາວ ທອງ­ຄຳ ອ່ອນ​ມະ­ນີ​ສອນ 2008:862) ສາ­ມາດ​ໃຊ້​ໄດ້​ໃນ​ຫຼາຍ​ບໍ​ລິ​ບົດ ​ເຊັ່ນ: ການ​ຕົກ­ແຕ່ງ​ເອ້​ຢ້ອງ ຈຶ່ງພົບ​ເຫັນ​ໃຊ້​ໃນ​ຊີ­ວິດ​ປະ­ຈຳ​ວັນ ແລະ ວັນນະ​ຄະ­ດີ ກໍ່​ມີ.

ຕົວ­ຢ່າງ:

- ເພິ່ນ​ຮ້ອຍ​ດອກ​ໄມ້​ໄປ​ບູ­ຊາ​ພະ​ໃນ​ວັນ​ສິນ

- ຜູ້​ສາວ​ຮ້ອຍ​ພວງ​ມະ​ໄລ​ໄວ້​ໄປ​ຫຼິ້ນ​ປີ​ໃໝ່​ລາວ

...ທ້າວ​ກ່ຳ​ກາ­ດຳ​ຮ້ອຍ​ດອກ​ໄມ້​ໄປ​ຖວາຍ​ນາງ​ລຸນ...

...ແຕ່​ນັ້ນ ນາຍ​ຍ່າ​ເຖົ້າ      ຮຽວ​ຮີບ​ພະ­ລັນ​ຂານ

ກໍ​ທໍ່​ຕົນ​ຄົນ​ດຽວ               ຄຶດ​ຮ້ອຍ​ເອົາ​ນາ​ເຈົ້າ

ບໍ່​ມີ​ໃຜ​ຮ້ອຍ​ໃຫ້​ຄົນ...

...ຮ້ອຍ​ທີ່​ມາ​ເນົາ​ຢັ້ງ         ເຊົາ​ເຮືອນ​ອີ່​ນາຍ​ຍ່າ ເຖົ້າ​ນັ້ນ

ຮ້ອຍ​ທີ່​ນາຍ​ອຳ​ໄວ້           ບໍ່​ມີ​ໄຂ​ຄຳ​ຊື່ ຈິງ​ແລ້ວ

ຮ້ອຍ​ທີ່​ເຊົາ​ເຮືອນ​ນ້ອຍ     ສາຍ­ໃຈ​ຕົນ​ຍ່າ ນາຍ​ນັ້ນ

ທ້າວ​ກໍ​ຮ້ອຍ​ດອກ​ໄມ້        ຖວາຍ​ນ້ອງ​ໃຫ້​ກະ­ສັນ ນີ້​ລື... (ທ້າວກ່ຳ​ກາ­ດຳ)

ຂ່າວທີ່ກ່ຽວຂ້ອງ