ຮູ້ພາສາລາວ ມື້ລະຄຳ - ໂດຍ: ແສງ​ຈັນ ສຸ​ຂະ​ເສມ : ດາວ

317 23 ສ.ຫ. 2017 ຫົວຂໍ້ຂ່າວອື່ນໆ

ຄຳ​ນາມ ຄຳ​ລາວ​ເດີມ ແປ​ວ່າ ສິ່ງ​ທີ່​ແນມ​ເຫັນ​ເປັນ​ແສງນ້ອຍໆ​ໃນ​ທ້ອງ­ຟ້າ​ເວ­ລາ​ກາງຄືນ (ວັດ­ຈະ­ນາ­ນຸ­ກົມ​ພາ­ສາ​ລາວ ທອງ­ຄຳ ອ່ອນ​ມະ­ນີ​ສອນ 2008:378). ໃນ​ທາງ​ໂຫ​ລາ​ສາດ​ຍັງເອີ້ນ ຕາ­ເວັນ ແລະ ເດືອນ​ ວ່າເປັນ​ດາວ​ນົບ­ພະ­ເຄາະ​ນຳ. ນອກຈາກ​ຄວາມ​ໝາຍ​ສະ­ເພາະ​ແລ້ວ ກໍ່​ພົບ​​ວ່າ ສາ­ມາດ​ຂະ­ຫຍາຍ​ຄວາມ​ໄດ້​ຫຼາຍ​ເຊັ່ນ​ກັນ.

ຕົວ­ຢ່າງ: 

- ແສງ​ດາວ​ແວ​ວາວ​ປະ­ດັບ​ທ້ອງ­ຟ້າ​ໃນ​ຍາມ​ລາ­ຕີ

- ດາວ​ມີ​ຫຼາຍ​ດວງ ເຊັ່ນ ດາວ­ໄກ່­ນ້ອຍ, ດາວ­ຊ້າງ​ເຜືອກ, ດາວ­ຫາງ, ດາວ​ເໜືອ...

- ດາວ​ນົບ­ພະ­ເຄາະ​ມີ 9 ໜ່ວຍ ຄື ຕາ­ເວັນ, ເດືອນ, ດາວ​ອັງ­ຄານ, ດາວ​ພຸດ,ດາວ​ພະ­ຫັດ, ດາວ​ສຸກ, ດາວ​ເສົາ, ດາວ​ລາ­ຫູ, ດາວ​ເກດ ແລະ ດາວ​ມະ­ລຶດ­ຕະ­ຍູ.

- ດາວ​ທີ່​ມະ­ນຸດ​ສ້າງ​ຂຶ້ນ ເອີ້ນ ດາວ​ທຽມ

- ທະ­ຫານ​ຕຳ­ຫຼວດ​ຕິດ​ດາວ​ຕາມ​ຊັ້ນ​ຂອງ​ຕົນ

- ນັກ​ສີ​ລະ​ປີນ​ທີ່​ມີ​ຊື່​ສຽງ​ຍືນ​ຍາວ​ໃຊ້​ການ​ປຽບ­ທຽບ ເອີ້ນ ດາວ​ຄ້າງ​ຟ້າ

- ທຸງ​ດາວ​ແດງ ໝາຍ​ເຖິງ​ທຸງ​ຂອງ​ການ​ປະ­ຕິ­ວັດ

ຂ່າວທີ່ກ່ຽວຂ້ອງ