ການ​ເດີນ­ທາງ​ໄປ​ມາ​ຢ່າງ​ເສລີ​ ​ອັງ­ກິດ-ອີຢູ ຈະ​ຢຸດ­ຕິ​ລົງ​ໃນ​ເດືອນ​ມີ­ນາ 2019

322 02 ສ.ຫ. 2017 ຂ່າວຕ່າງປະເທດ
ການ​ເດີນ­ທາງ​ໄປ​ມາ​ຢ່າງ​ເສລີ​ ​ອັງ­ກິດ-ອີຢູ ຈະ​ຢຸດ­ຕິ​ລົງ​ໃນ​ເດືອນ​ມີ­ນາ 2019

ຂ່າວ­ສານ Reuters ລາຍ​ງານ​ວ່າ ໂຄ­ສົກ​ຂອງ​ນາ­ຍົກ­ລັດ­ຖະ­ມົນ­ຕີ​ອັງ­ກິດ ເຕ​ເຣ​ຊາ ເມ ແຈ້ງ​ໃຫ້​ສື່​ມວນ​ຊົນ​ຮູ້­ເມື່ອ​ວັນ​ທີ  31 ກໍ­ລະ­ກົດ ທີ່​ຜ່ານ​ມາ​ວ່າ ການ​ເດີນ­ທາງ​ໄປ​ມາຢ່າງ​ເສລີ​ລະ­ຫວ່າງ​ປະ­ຊາ­ຊົນ​ອັງ­ກິດ ກັບ​ສະ­ຫະ­ພາບ​ເອີ​ຣົບ (EU) ຈະຢຸດ­ຕິ​ລົງ​ພາຍ​ໃນ​ເດືອນ​ມີ­ນາ 2019 ເມື່ອ​ອັງ­ກິດ ​ຖອນ​ຕົວ​ອອກ​ໄປ​ຈາກ EU.

ໂຄ­ສົກ​ຂອງ​ນາ­ຍົກ­ລັດ­ຖະ­ມົນ­ຕີ​ອັງ­ກິດ ໃຫ້​ຮູ້​ຕື່ມ​ວ່າ ປັດ​ໄຈ​ອື່ນໆ​ທີ່​ພົວ­ພັນ​ເຖິງ​ລະ­ບົບ​ເຂົ້າ​ເມືອງ​ເພື່ອ​ຕັ້ງ​ຖິ່ນ​ຖານ ໃນ​ຍຸກຫຼັງ​ຈາກ​ທີ່​ອັງ­ກິດ ຖອນ​ອອກ​ໄປ​ຈາກ EU ຫຼື​ທີ່​ເອີ້ນ​ວ່າ Brexit ນັ້ນ ​ຈະ​ໄດ້​ແຈ້ງ​ອອກ​ມາ​ໃນ​ເວ­ລາ​ທີ່​ມີ​ຄວາມ​ເໝາະ​ສົມ.

ໃນ​ຂະ­ນະ​ດຽວ​ກັນ ລັດ­ຖະ­ມົນ­ຕີການ​ເງິນ​ອັງ­ກິດ ຟີ​ລິບ ແຮມ​ມອນ ກ່າວ​ເມື່ອ​ອາ­ທິດ​ທີ່​ຜ່ານ​ມາ​ວ່າ ບໍ່​ຈຳ­ເປັນ​ທີ່​ຈະ​ມີ​ການປ່ຽນ­ແປງ​ທັນ­ທີ ກ່ຽວ​ກັບ​ຂໍ້​ກຳ­ນົດ​ການ​ເຂົ້າ​ເມືອງ ເມື່ອ​ອັງ­ກິດ​ ຖອນ​ອອກ​ໄປ​ຈາກ​ສະຫະ​ພາບ​ເອີ​ຣົບ.

ຂ່າວທີ່ກ່ຽວຂ້ອງ