ມາ​ເລ​ເຊຍ ລະ­ດົມ​ຕຳ­ຫຼວດ 14.000 ຄົນ ເຂົ້າ​ຮ່ວມ​ຮັກ­ສາ​ຄວາມ​ສະ­ຫງົບ​ໃຫ້​ແກ່ Sea Games 29

360 06 ກ.ກ. 2017 ຂ່າວຕ່າງປະເທດ
ມາ​ເລ​ເຊຍ ລະ­ດົມ​ຕຳ­ຫຼວດ 14.000 ຄົນ ເຂົ້າ​ຮ່ວມ​ຮັກ­ສາ​ຄວາມ​ສະ­ຫງົບ​ໃຫ້​ແກ່ Sea Games 29

ສຳ­ນັກ​ຂ່າວ­ສານ Bernama ຂອງ​ມາ​ເລ​ເຊຍ ລາຍ​ງານ​ວ່າ ຕຳ­ຫຼວດ​ມາ​ເລ​ເຊຍ ຈຳ­ນວນ​ປະ­ມານ 14.000 ຄົນ ຈະ​ໄດ້​ຜັນ​ຂະ­ຫຍາຍ​ການ​ປະ­ຕິ­ບັດ​ໜ້າ­ທີ່​ເພື່ອ​ປ້ອງ​ກັນ​ຄວາມ​ສະ­ຫງົບ​ໃຫ້​ແກ່​ງານ​ມະ​ຫະ​ກຳ​ກິ­ລາ​ອາ­ຊີ​ຕາ­ເວັນ​ອອກ​ສ່ຽງ​ໃຕ້  (Sea Games) ຄັ້ງ​ທີ 29 ທີ່​ມາ​ເລ​ເຊຍ ເປັນ​ເຈົ້າ­ພາບ​ຈັດ.

ເຈົ້າ​ໜ້າ­ທີ່​ຕຳ­ຫຼວດ​ມາ​ເລ​ເຊຍ ກ່າວ​ເມື່ອ​ວັນ​ທີ 4 ກໍ­ລະ­ກົດ​ນີ້​ວ່າ ບັນ­ດາ​ສະ­ຖານ­ທີ່​ທີ່​ມີ​ການ­ເຄື່ອນ­ໄຫວ​ປະ­ຕິ­ບັດ​ໜ້າ­ທີ່ ປະ­ກອບ​ດ້ວຍ​ສະ­ໜາມ­ກິ­ລາ​ແຫ່ງ​ຊາດ Bukit Jalil ເຂດ​ໃຈ­ກາງ​ນະ­ຄອນ­ຫຼວງ​ກົວ​ລາ​ລຳ​ເປີ ແລະ ເມືອງ ນີ​ລາຍ (Nilai) ທີ່​ຂຶ້ນ​ກັບ​ລັດ​ເນ​ເກຣີ ເຊມ​ບີ​ລັນ (Negeri Sembilan) ລວມ​ເຖິງ​ບາງ​ສະ­ຖານ­ທີ່​ໃນ​ລັດ​ເຕ​ເຣງ​ກາ​ນູ (Terengga nu) ເກາະ​ລັງ­ກາ​ວີ (Langkawi) ທີ່​ຂຶ້ນ​ກັບ​ລັດ ເກ​ດາ (Kedah).

ແຕ່​ວັນ​ທີ 2Œ4 ກໍ­ລະ­ກົດ​ນີ້ ເຈົ້າ​ໜ້າ­ທີ່​ຮັກ­ສາ​ຄວາມ​ສະ­ຫງົບ​ຂອງ​ມາ​ເລ​ເຊຍ 370 ກວ່າ​ຄົນ ໄດ້​ເຂົ້າ​ຮ່ວມ​ການ​ເຝິກ­ຊ້ອມ​ທີ່​ຈັດ​ຂຶ້ນ​ໃນ​ລັດ ເຕ​ເຣງ​ກາ​ນູ ແລະ ການ​ເຝິກ­ຊ້ອມ​ທີ່​ຄ້າຍ­ຄື​ກັນ​ນີ້ ກໍ​ໄດ້​ຈັດ​ຂຶ້ນ​ເຊັ່ນ​ກັນ​ທີ່​ສະ­ໜາມ­ກິ­ລາ​ແຫ່ງ​ຊາດ ແລະ ຢູ່ ລັງ­ກາ​ວີ.

ຂ່າວທີ່ກ່ຽວຂ້ອງ