ຮູ້ພາສາລາວ ມື້ລະຄຳ - ໂດຍ: ແສງ​ຈັນ ສຸ​ຂະ​ເສມ : ໂສ­ດາ

617 15 ມິ.ນ. 2017 ຫົວຂໍ້ຂ່າວອື່ນໆ

ຄຳ​ກິ­ລິ­ຍາ ມີ​ເຄົ້າ​ມາ​ຈາກ​ພາ­ສາ​ປາ­ລີ ແປ​ວ່າ ຍິນ​ດີ, ພໍ­ໃຈ (ວັດ­ຈະ­ນາ­ນຸ­ກົມ ທອງ­ຄຳ ອ່ອນ​ມະ­ນີ​ສອນ, 2008:269) ຈຶ່ງບໍ່​ພົບ​ເຫັນ​ໃຊ້​ໃນ​ພາ­ສາ​ເວົ້າ​ປະ­ຈຳ​ວັນ ແຕ່​ກໍ​ເຫັນ​ໃຊ້​ໃນທາງ​ວັນ­ນະ­ຄະ­ດີ​ລາວ​ຫຼາຍ. ໃນ​ທາງ​ພາ­ສາ​ສາດ ໂສ­ດາ ເປັນໜ່ວຍ​ຄຳ​ດຽວ​ ມີ​ສອງ​ພະ­ຍາງ ແລະ​ ເປັນ​ຄຳ​ທີ່​ກ່ຽວ​ພັນ​ກັບ​ຄວາມ​ຮູ້­ສຶກ​ທາງ​ຈິດ­ໃຈ, ດັ່ງ­ນັ້ນ ​ເວ­ລາ​ໃຊ້​ຈຶ່ງ​ສັງ­ເກດ​ເຫັນ​ມີ​ລັກ­ສະ­ນະ​ບອກ​ກ່າວ, ບອກ­ສອນ, ຕັກ­ເຕືອນ​ໃນ​ຕອນ​ຕົ້ນ​ແລ້ວ ຈຶ່ງ​ມີ​ຖ້ອຍ​ຄຳ​ສົ່ງທ້າຍ​ທີ່​ສະ­ແດງ​ອາ­ລົມ​ຕາມ​ມາ​ທຸກ​ຄັ້ງ. ດ້ວຍ​ເຫດ​ນີ້, ໂສ­ດາ ຈຶ່ງ​ມີ­ໜ້າ​ທີ່​ສະ­ແດງ​ອາ­ລົມ​ໃນ​ບໍ​ລິ​ບົດ​ຕ່າງໆ​ໄດ້​ດີ. 

ຕົວ­ຢ່າງ:

...ຫາກ​ບໍ່            ໂສ­ດາ​ແກ້ວ                    ທຳ​ມະ­ໂລງ​ກໍ​ຕາມ​ໂຊກ​ເຮົາ​ຖ້ອນ

  ຫີນ​ແຮ່            ເຈົ້າ​ຫາກ​ກຸມ​ວ່າ​ແກ້ວ       ຕາມ​ເຈົ້າ​ຊິ​ວ່າ​ລື...

...ວ່າ​ບໍ່               ໂສ­ດາ​ດ້ວຍ                   ປູ​ປາ​ຊີ້ນ​ຕອນ ກໍ​ຕາມ​ຖ້ອນ

  ອົດ​ພໍ                ໄດ້​ຢູ່​ຢ້າວ                     ຊາມ​ໄດ້​ໂຜດ​ແມວ...

...ຫາກ​ບໍ່            ໂສ­ດາ​ແທ້                      ຄືນ​ມາ​ຂໍ​ສົ່ງ ໄປ​ຖ້ອນ

  ວ່າ​ຢາກ           ກິນ​ຮາກ​ໄມ້                    ຕາງ​ເຂົ້າ​ກໍ​ຊ່າງ​ເຍີ... (ສານ​ໂສມ​ທີ່​ຄຶດ)

- ໃຈ​ບໍ່​ໂສ­ດາ​ດ້ວຍ ເວົ້າ​ມ່ວນ​ກໍ​ເປັນ​ຜິດ ໃຈ​ບໍ່​ໂສ­ດາ​ດອມ ປາກ​ດີກໍ​ເປັນ​ຮ້າຍ (ສຸ­ພາ­ສິດ)

ຂ່າວທີ່ກ່ຽວຂ້ອງ