ຮູ້ພາສາລາວ ມື້ລະຄຳ - ໂດຍ: ແສງ​ຈັນ ສຸ​ຂະ​ເສມ : ບໍ­ລິ­ບູນ/ບໍ­ລິ­ບວນ

478 14 ມິ.ນ. 2017 ຫົວຂໍ້ຂ່າວອື່ນໆ

ຄຳ​ວິ­ເສດ ມີ​ເຄົ້າ​ມາ​ຈາກ​ພາ­ສາ​ປາ­ລີ ແປ​ວ່າ ຄົບ​ຖ້ວນ, ເຕັມ​ປ່ຽມ (ວັດ​ຈະ​ນານຸ​ກົມ ທອງ­ຄຳ ອ່ອນ​ມະ­ນີ​ສອນ, 2008:500). ປັດ­ຈຸ­ບັນ​ພົບເຫັນ​ໃຊ້​ແຕ່ບໍ­ລິ­ບູນ, ສ່ວນບໍ­ລິ­ບວນ ພົບ​ເຫັນ​ໃຊ້​ໃນ​ສະ­ໄໝ​ກ່ອນ ດັ່ງ​ໃນ​ວັນ­ນະ­ຄະ­ດີ​ເກົ່າ​ຂອງລາວ. ໃນ​ທາງ​ພາ­ສາ​ສາດ ບໍ­ລິ­ບູນ/ບໍ­ລິ­ບວນ ເປັນ​ຄຳ​ທີ່​ບົ່ງ​ບອກ​ເຖິງ​ການ​ປ່ຽນ­ແປງ​ຮູບ​ຄຳ​ຕາມ​ການ​ເວ­ລາ ແຕ່​ວ່າ­ຄວາມໝາຍ​ຂອງ​ຄຳ​ຍັງ​ຄື­ເກົ່າ.

ຕົວ­ຢ່າງ:

- ນັກ​ສຶກ​ສາ​ກຽມ​ປ້ອງ​ກັນ​ບົດ​ຈົບ​ຊັ້ນ​ໃຫ້​ແລ້ວ​ບໍ­ລິ­ບູນ​ໃນ​ທ້າຍ​ປີຮຽນ

- ກອງ​ປະ­ຊຸມ​ປະ­ຈຳ​ປີ​ສຳ­ເລັດ​ບໍ­ລິ­ບູນ​ຕາມ​ເວ­ລາ​ທີ່​ວາງ​ໄວ້

- ໂຄງ­ການ​ກໍ່­ສ້າງ​ສຳ­ເລັດ​ບໍ­ລິ­ບູນ​ກ່ອນ​ຄາດ­ໝາຍ

ໃນ​ນິ­ທານ ພະ​ຣັກ​ພະ​ຣາມ ສະ­ບັບ​ປີ 1950 ຈະ​ເຫັນ​ໃຊ້ບໍ­ລິ­ບວນໝົດ​ທັງ​ສະ­ບັບ

   ...ເປັນ​ກອງ​ແພ​ແທບ​ຝັ່ງ​ນ້ຳ​ທີ່​ນີ້​ບໍ­ລິ­ບວນ​ແລ້ວ ຈຶ່ງ​ໃຫ້​ຄົນ​ທັງຫຼາຍ...

   ...ຈຶ່ງ​ບອກ​ເຕີນ​ໃຫ້​ຄົນ​ທັງ­ຫຼາຍ ໃຫ້​ເຂົ້າ­ຫຸງ​ເຂົ້າ​ງາຍ​ບໍ­ລິ­ບວນແລ້ວ...

   ...ບໍ­ລິ­ບວນ​ແລ້ວ ເຈົ້າ​ທັງ​ສອງຈຶ່ງ​ຂຶ້ນ​ຊ້າງ​ມ້າ​ຄູນ​ເມືອງ...

   ...ກໍ​ພ້ອມ​ກັນ​ຕົກ­ແຕ່ງ​ເດົາ​ດາ ຍັງ​ຊ້າງ​ມ້າ​ງົວ​ຄວາຍ​ບໍ­ລິ­ບວນແລ້ວ...

ຂ່າວທີ່ກ່ຽວຂ້ອງ