ຮູ້ພາສາລາວ ມື້ລະຄຳ - ໂດຍ: ແສງ​ຈັນ ສຸ​ຂະ​ເສມ : ລູກ​ແທນ​ພໍ່ ໜໍ່​ແທນ​ລຳ

384 13 ມິ.ນ. 2017 ຫົວຂໍ້ຂ່າວອື່ນໆ

ຄຳ​ສຳ­ນວນ​ບູ­ຮານ​ລາວ ທີ່​ໃຊ້​ກັບ​ທຸກຄົນ​ ແລະ​ ອາ­ຊີບ​ ໃນ​ຊີ­ວິດ​ປະ­ຈຳ​ວັນ ເພື່ອໃຫ້​ເປັນ​ຂໍ້​ຄິດ. ຖ້າ​ຫາກ​ວິ­ເຄາະ​ຕາມ​ຕົວຈິງ ລູກ ໝາຍ​ເຖິງ​ຜູ້​ສືບທອດ​ຕະ­ກຸນ ຈຶ່ງ​ໃຊ້​ກັບ​ພໍ່​ຜູ້​ໃຫ້​ກຳ­ເນີດ​ໄດ້ ລູກ​ແທນ​ພໍ່ ກໍ​ແມ່ນ​ກົດເກນ​ຊີ­ວິດ​ຄອບ­ຄົວ, ສ່ວນ​ຫຼາຍລູກມັກ​ເຮັດ, ເປັນ ​ຫຼື​ ມີ​ອາ­ຊີບ ຄື​ກັບ​ພໍ່ ຈຶ່ງ​ເປັນ­ຄວາມ​ໝາຍ​ກົງ​ຕາມ​ຮູບ​ອັກ­ສອນ. ບູ­ຮານ​ຈຶ່ງນຳ​ເອົາ​ຖ້ອຍ​ຄຳ​ນີ້​ໄປ​ປຽບ­ທຽບ​ໃສ່ ໜໍ່ ໝາຍ​ເຖິງ ໜໍ່­ໄມ້ ທີ່​ມີຄວາມ​ໝາຍ​ກົງ​ເຊັ່ນ​ດຽວ. ທຸກ​ຊີ­ວິດ​ທີ່​ເກີດ​ມາ​ໃຫຍ່​ຂຶ້ນ​ເປັນຄົນ ຫຼື ລຳ​ໄມ້​ແລ້ວ ​ຕ້ອງ​ເປັນ​ ຫຼື ​ເຮັດ​ໜ້າ­ທີ່​ຄື​ຕະ­ກຸນ. ຄວາມ​ສຳ­ຄັນ​ທີ່​ບູ­ຮານ ໄດ້ປຽບ­ທຽບ​ໃສ່​ຄົນ​ໃສ່​ໜໍ່­ໄມ້ ແມ່ນພໍ່​ເປັນ​ແນວ­ໃດ​ລູກ​ກໍ​ເປັນແນວນັ້ນ​ຕາມ​ກົດ­ເກນ. ໜໍ່­ໄມ້ໃຫຍ່​ມາ​ແລ້ວ​ຈະ​ບໍ່​ກາຍເປັນ​ກົກມ່ວງ ກົກ​ມີ້, ໄມ້­ແຄນ, ໄມ້​ສັກ...

ຕົວ­ຢ່າງ:

- ພໍ່​ເປັນ​ຊ່າງ​ແປງ​ລົດ ລູກ​ຊາຍ​ກໍ​ຮຽນ​ຈົບ​ວິ­ຊາ​ຊ່າງ​ແປງ​ລົດ ເອີ້ນ​ວ່າ ລູກ​ແທນ​ພໍ່ ​ໜໍ່​ແທນ​ແນວ

- ສີ​ຈັນ​ເປັນ​ທະ­ຫານ​ຄື​ກັບ​ພໍ່​ລາວ ເອີ້ນ​ລູກ​ແທນ​ພໍ່ ​ໜໍ່​ແທນ​ແນວ

ຂ່າວທີ່ກ່ຽວຂ້ອງ