ຮູ້ພາສາລາວ ມື້ລະຄຳ - ໂດຍ: ແສງ​ຈັນ ສຸ​ຂະ​ເສມ : ແຖນ

471 12 ມິ.ນ. 2017 ຫົວຂໍ້ຂ່າວອື່ນໆ

ໃນ​ພາ­ສາ​ລາວ ເປັນ​ຄຳ​ຕໍ່ ຫຼື ໃຊ້​ເປັນຄຳ​ລົງ­ທ້າຍໃນ​ຖ້ອຍ​ຄຳ ຫຼື ປະ­ໂຫຍກ. ເປັນ​ຄຳ​ລາວ​ເດີມ ທີ່​ໃຊ້​ຕາມ​ຄວາມ​ນິ­ຍົມຂອງ​ສັງ­ຄົມ​ໃນ​ແຕ່​ລະ​ໄລ­ຍະ. ແຕ່​ໃນ​ຫຼັກໄວ­ຍາ­ກອນ​ລາວ​ສະ­ບັບ​ປັດ­ຈຸ­ບັນ ​ໄດ້​ກຳ­ນົດ​ໃຫ້​ເປັນ​ປະ­ເພດ​ຄຳ​ອະ­ນຸ­ໂລມ ເຊັ່ນ​ດຽວ​ກັນ​ກັບ ຜູ້/ຜູ່, ເຊິ່ງ/ຊຶ່ງ... ໝາຍ​ຄວາມ​ວ່າ ​ໃຊ້​ໄດ້ທັງ​ສອງ ເພາະ ກໍ/ກໍ່ ເຮັດ​ໜ້າ­ທີ່​ຄື​ກັນ​ໃນ​ຖ້ອຍ​ຄຳ ແລະ ​ປະ­ໂຫຍກ. ແຕ່​ກໍ​ມີ​ຄຳ​ແນະ­ນຳ​ໂດຍ​ສະ­ເພາະ​ໃນ​ເວ­ລາ​ຂຽນ​ບົດ, ຂຽນ​ເລື່ອງຕ່າງໆ ຖ້າ​ຫາກ​ໃຊ້ ກໍ ແລ້ວ ກໍ​ໃຫ້​ໃຊ້ ກໍ ຈົນ​ໝົດ​ເລີຍ, ຖ້າ​ໃຊ້ ກໍ່ ກໍ​ໃຫ້​ໃຊ້ ກໍ່ ຈົນ​ໝົດ. ບໍ່​ຄວນ​ໃຊ້​ປົນ​ກັນ ທັງ​ນີ້ ກໍ​ເພື່ອ​ບໍ່​ຢາກ​ໃຫ້​ຜູ້ອ່ານ​ສັບ­ສົນ​ກັນ. ພິ­ເສດ​ໃນ​ພາ­ສາ​ເວົ້າ ຫຼື​ ໃນ​ບົດ​ສົນ­ທະ­ນາ ມັກ​ພົບເຫັນ ກະ ແທນ ກໍ/ກໍ່ ເໝືອນ​ກັນ.

ຕົວ­ຢ່າງ:

- ໃຜ​ຢາກ​ຂຽນ​ແນວ­ໃດ​ກໍ​ໄດ້ຕາມ­ໃຈ

- ຢູ່​ໃສ​ກໍ່​ໄດ້ ເຈົ້າ​ຢູ່​ຫັ້ນ​ກໍ່​ດີ ລາວ​ຢູ່​ພຸ້ນ​ກໍ່​ດີ

- ເຈົ້າ​ໄປ​ກະ­ດີ ຂ້ອຍ​ກະ​ຊິ​ໄດ້​ສະ­ບາຍ​ໃຈ!

   ໃນ​ນິ­ທານ ທ້າວ​ຈັນ­ທະ­ຄາດ ພົບ​ເຫັນ​ໃຊ້ ກໍ ຈົນ​ໝົດ​ເລື່ອງ

...ກັບ​ທັງ​ສາ​ວາ​ສະ­ໜົມ​          ພ້ອມເຮືອນ​ຫຼວງ​ຊາວ​ແມ່ ກໍ​ດີ...

...ລາງ​ຄົນ​ຫຼົງ​ເຮືອນ​ຂຶ້ນ          ເມືອ​ຫາ​ເຮືອນ​ເພິ່ນ ກໍ​ມີ...

...ນາງ​ກໍ​ຍໍ­ມື­ໄຫວ້                    ຖະ­ແຫຼງ​ຄຳ​ຮັບ​ພາກ...

ຂ່າວທີ່ກ່ຽວຂ້ອງ