ຂ່າວຫຼ້າສຸດ

ຢ່າ​ເຜີ​ຕົວ ມົວ​ແຕ່​ອວດ - ໂດຍ: ສາວ​ສິ້ນ​ແຕ້ມ

1.431 22 ພ.ພ. 2017 ຫົວຂໍ້ຂ່າວອື່ນໆ
ຢ່າ​ເຜີ​ຕົວ ມົວ​ແຕ່​ອວດ - ໂດຍ: ສາວ​ສິ້ນ​ແຕ້ມ

ເວ­ລາ​ມີ​ແຂກ​ຄົນ​ມາ​ຢາມ​ຢ້າວ​ຢາມ​ເຮືອນ​ນັ້ນ ຂໍ​ໃຫ້​ມີ​ສະ­ຕິ​ລະວັງ ແລະ ສະ­ຫງວນ​ທ່າ​ທີ ຢ່າ​ເຮັດ​ສິ່ງ​ທີ່​ພາ­ໃຫ້​ແຂກ​ເຫັນວ່າ​ເຈົ້າ­ພາບ​ເປັນ​ຄົນ​ຂີ້​ອວດ ຕົວ­ຢ່າງ: ພາ​ແຂກ​ເລາະ​ເບິ່ງ​ນັ້ນ​ເບິ່ງ​ນີ້ ເຊັ່ນ: ຫ້ອງ​ຮັບ­ແຂກ ການ​ປະ­ດັບ​ປະ­ດາ​ຫ້ອງ​ກິນ​ເຂົ້າ ຫ້ອງ​ນ້ຳ​ທັນ​ສະ­ໄໝ ຫ້ອງ​ຟັງ​ດົນ­ຕີ ຫ້ອງ​ສະ­ໝຸດ ດາດ​ຟ້າ ບ່ອນ​ຊຸມ​ເຫຼົ້າ ສິ່ງ​ທີ່​ເຈົ້າພາບ​ບາງ​ຄົນ​ມັກ​ລືມ​ສະ­ຕິ​ເລື້ອຍໆ​ນັ້ນກໍ່​ຄື ເລື່ອງ​ການ​ເອົາ​ປຶ້ມ​ອາລະ​ບັມ​ຮູບ​ມາ​ກອງ​ໄວ້​ໂຕະ​ຊາ​ລົງ​ ຫວັງ​ໃຫ້​ແຂກ​ເບິ່ງ ມີ​ບາງ​ຄົນ​ຂົນເອົາ​ຮູບ​ແຕ່ງ­ດອງ ຮູບ​ຫຼິ້ນບຸນ­ປີ­ໃໝ່ ຮູບ​ໄປ​ທ່ຽວ​ຕ່າງ­ປະ­ເທດ​ມາອວດ​ແຂກ ບາງ​ຄົນ​ເປີດ​ໜ້າ​ຈໍ​ໄອ​ແພດ ໜ້າ​ຈໍ​ມື​ຖື ສາຍ​ວີ​ດີ​ໂອ​ໃຫ້ແຂກ​ເບິ່ງ ທັງ​ໝົດ​ທັງ​ປວງ​ນີ້​ມັນ​ແມ່ນ​ເລື່ອງ​ສ່ວນ​ຕົວ ຖ້າ​ແຂກ​ກະຈັ້ງ​ກະ​ຈໍ້​ຢາກ​ເບິ່ງ​ແທ້ໆ​ກໍ່​ຈຶ່ງ​ສະ­ໜອງ ແຕ່​ກໍ່​ຕ້ອງ​ສະ­ຫງວນ​ແດ່ ບໍ່ຄວນເຫຼືອ​ເຖືອດ ບໍ່​ຊັ້ນ​ແຂກ​ຈະ​ເບື່ອ​ພະ­ຍາດ​ຂີ້​ອວດ​ຂອງ​ເຮົາ.

ຂ່າວທີ່ກ່ຽວຂ້ອງ