ກິ່ງ​ແຂວງ​ສິບ​ສອງ​ພັນ​ນາ ເປີດ​ເສັ້ນ­ທາງ​ທ່ອງ​ທ່ຽວ​ອ້ອມ​ສາມ­ຫຼ່ຽມ​ຄຳ

598 03 ມ.ສ. 2017 ຂ່າວຕ່າງປະເທດ
ກິ່ງ​ແຂວງ​ສິບ​ສອງ​ພັນ​ນາ ເປີດ​ເສັ້ນ­ທາງ​ທ່ອງ​ທ່ຽວ​ອ້ອມ​ສາມ­ຫຼ່ຽມ​ຄຳ

ຕາມ​ຂ່າວ­ສານ​ຈີນ ກິ່ງ​ແຂວງສິບ​ສອງ​ພັນ​ນາ ແຂວງ​ຢຸນ​ນານ (ຈີນ) ໄດ້​ເປີດ “ເສັ້ນ­ທາງ​ທ່ອງທ່ຽວ​ສາ­ກົນ​ອ້ອມ​ສາມ­ຫຼ່ຽມ​ຄຳ” ໂດຍ​ການ​ບໍ­ລິ­ການ​ນັກ​ທ່ອງ​ທ່ຽວດ້ວຍ​ການ​ຂີ່​ເຮືອ​ຕາມ​ແມ່­ນ້ຳລ້ານ​ຊ້າງ-ແມ່­ນ້ຳ​ຂອງ ແລະ ຂີ່ລົດ​ຕາມ​ທາງ​ຫຼວງ​ຄຸນ​ມິງ-ບາງກອກ ເພື່ອ​ເຮັດ​ໃຫ້​ນັກ​ທ່ອງ​ທ່ຽວໄດ້​ສຳ­ຜັດ​ກັບ​ບັນ­ຍາ­ກາດ​ອັນ​ເລິກລັບຢູ່​ເຂດ​ອ້ອມ​ຂ້າງ​ສາມ­ຫຼ່ຽມຄຳ.

ທ່ານ ຢາງ​ກວງ​ໂປ ຮອງ​ເລຂາ​ຄະ­ນະ​ພັກ​ກິ່ງ​ແຂວງ​ສິບ​ສອງພັນ​ນາ ກ່າວ​ວ່າ ເສັ້ນ­ທາງ​ທ່ອງທ່ຽວ​ດັ່ງ­ກ່າວ​ຈະ​ເປີດ​ບໍ­ລິ­ການໃນວັນ​ທີ 1 ພຶດ­ສະ­ພາ​ທີ່​ຈະ​ເຖິງ​ນີ້ ໂດຍ​ການ​ຂີ່​ເຮືອ​ອອກ​ຈາກ​ທ່າກວນ​ເຫຼີຍ ໃນ​ກິ່ງ​ແຂວງ​ສິບ​ສອງພັນ​ນາ ຜ່ານ​ຊຽງ​ສຽນ (ປະ­ເທດໄທ) ຕາ​ກີ​ໄລ (ປະ­ເທດ​ມຽນ​ມາ) ຫ້ວຍ​ຊາຍ ແຂວງ​ບໍ່​ແກ້ວ ແລະ ບໍ່​ເຕັນ ແຂວງ​ຫຼວງ​ນ້ຳ​ທາ (ປະເທດ​ລາວ) ແລ້ວຜ່ານ​ດ່ານ​ບໍ່ຫານ​ ກັບ​ຄືນ​ມາ​ທ່ອງ​ທ່ຽວ​ຢູ່​ກິ່ງແຂວງ​ສິບ​ສອງ​ພັນ​ນາ ຕື່ມ​ອີກ.

ຂ່າວທີ່ກ່ຽວຂ້ອງ