ປ່ຽນແປງດິນຟ້າອາກາດ ທີ່ສົ່ງຜົນກະທົບຕໍ່ການກໍ່ສ້າງ

343 20 ມີ.ນ. 2017 ຂ່າວໜ້າ​ໜຶ່ງ

ວັນ​ທີ 14 ມີນາ 2017 ທີ່​ກະຊວງ​ໂຍທາ​ທິ​ການ ແລະ ຂົນສົ່ງ ທ່ານ ບຸນ​ຈັນ ສິນ​ທະ​ວົງ ລັດ​ຖະມົນຕີ​ກະຊວງ​ໂຍທາ​ທິ​ການ ແລະ ຂົນສົ່ງ ໄດ້​ຕ້ອນຮັບ​ການ​ເຂົ້າ​ພົບປະ​ຂອງ​ທ່ານ ບຳ​ບາງ ຊູ​ຊັນໂຕ​ໂນ (Bambang Susantono) ຮອງ​ປະທານ​ທະນາຄານ​ພັດ​ທະນາ​ອາຊີ (ADB) ພ້ອມ​ຄະນະ ໃນ​ໂອກາດ​ເດີນທາງ​ມາ​ເຂົ້າ​ຮ່ວມກອງ​ປະຊຸມ​ຂົນສົ່ງ​ແບບ​ຍືນ​ຍົງ ແລະ ເປັນ​ມິດ​ຕໍ່​ສິ່ງແວດລ້ອມ.

ທ່ານ ບຸນ​ຈັນ ສິນ​ທະ​ວົງ ໄດ້ກ່າວ​ຕ້ອນຮັບ ແລະ ສະແດງຄວາມ​ຍ້ອງຍໍ​ທີ່ທ່ານ ບຳ​ບາງ ຊູ​ຊັນ​ໂຕ​ໂນ ໄດ້​ເດີນທາງ​ເຂົ້າ​ມາຮ່ວມ​ກອງ​ປະຊຸມ​ທີ່​ມີ​ຄວາມ​ໝາຍຄວາມ​ສຳຄັນ ກອງ​ປະຊຸມ​ຄັ້ງ​ນີ້ ໄດ້​ດຳເນີນ​ພາຍ​ໃຕ້​ຄຳ​ຂວັນ “ແຜນ​ດຳເນີນ​ການ​ວ່າ​ດ້ວຍ​ການຂົນສົ່ງ​ແບບ​ຍືນ​ຍົງ​ ຮອດ​ປີ 2030 ທີ່​ສອດຄ່ອງ​ກັບ​ແຜນ​ພັດທະນາແບບ​ຍືນ​ຍົງ ແລະ ສະແດງຄວາມ​ຂອບໃຈ​ທີ່​ຍາມ​ໃດ​ທະ​ນາຄານ ADB ໄດ້​ໃຫ້ການ​ສະໜັບສະ​ໜູນ​ແກ່​ຂະແໜງ ​ຍທຂ.

ທ່ານ ບຳ​ບາງ ຊູ​ຊັນ​ໂຕ​ໂນ ໄດ້​ກ່າວ​ຂອບໃຈ​ຕໍ່​ການ​ຕ້ອນຮັບຄັ້ງ​ນີ້ ພ້ອມ​ທັງ​ປຶກສາ​ຫາລື​ກ່ຽວກັບ​ການ​ດຶງ​ດູດ​ຕະຫຼາດ​ທຶນ ​ເຂົ້າມາ​ພັດທະນາ​ຂະແໜງ​ດັ່ງກ່າວ ໄປ​ຄຽງ​ຄູ່​ກັບການ​ແລກປ່ຽນ​ກ່ຽວກັບ​ການ​ປ່ຽນແປງ​ດິນ​ຟ້າ​ອາກາດ ທີ່​ອາດ​ມີ​ຜົນ​ກະທົບ​ຕໍ່​ການ​ກໍ່ສ້າງເສັ້ນທາງ.

ຂ່າວທີ່ກ່ຽວຂ້ອງ