ລາວ-ບຣູໄນ ສືບຕໍ່ເສີມຂະຫຍາຍສາຍພົວພັນມິດຕະພາບ

150 20 ມີ.ນ. 2017 ຂ່າວໜ້າ​ໜຶ່ງ
ລາວ-ບຣູໄນ ສືບຕໍ່ເສີມຂະຫຍາຍສາຍພົວພັນມິດຕະພາບ

ໂດຍ​ຕອບ​ສະໜອງ​ຕາມ​ການເຊີນ​ຂອງທ່ານ ເປ​ຮິນ ດາ​ໂຕະ ລິມ ໂຈກເຊັງ ລັດຖະມົນຕີ​ປະຈຳ​ສຳນັກງານ​ນາຍົກ​ລັດ​ຖະ​ມົນຕີ ລັດຖະມົນຕີ​ກະຊວງ​ການ​ຕ່າງປະເທດ ແລະ ການ​ຄ້າ ຜູ້​ທີ 2 ແຫ່ງ ບຣູ​ໄນ​ດາ​ຣູ​ຊາ​ລາມ ທ່ານ ສະເຫຼີມ​ໄຊ ກົມ​ມະ​ສິດ ລັດ​ຖະມົນຕີ​ກະຊວງ​ການ​ຕ່າງປະເທດ ພ້ອມ​ດ້ວຍ​ພັນ​ລະ​ຍາ ແລະ ຄະນະ ໄດ້​ຢ້ຽມຢາມ​ບຣູ​ໄນ​ດາ​ຣູ​ຊາລາມ ລະຫວ່າງ​ວັນ​ທີ 14-16 ມີນາ 2017 ເພື່ອ​ເສີມ​ຂະຫຍາຍສາຍ​ພົວພັນ​ມິດຕະພາບ ແລະ ການ​ຮ່ວມ​ມື​ທີ່​ດີ​ລະຫວ່າງ ລາວ-ບຣູ​ໄນ.

ວັນ​ທີ 16 ມີນາ 2017 ລັດ​ຖະມົນຕີ​ກະຊວງ​ການ​ຕ່າງປະເທດ ລາວ-ບຣູ​ໄນ ໄດ້​ພົບ​ປະ​ສອງຝ່າຍ ທີ່​ກະຊວງ​ການ​ຕ່າງປະເທດ ແລະ ການ​ຄ້າ​ບຣູ​ໄນ ການ​ພົບປະ​ຄັ້ງ​ນີ້ ສອງ​ຝ່າຍ​ໄດ້​ຕີລາຄາ​ສູງຕໍ່​ການ​ພົວພັນ ແລະ ການ​ຮ່ວມມື​ຂອງ​ສອງ​ປະເທດ​ທີ່​ມີ​ບາດກ້າວ​ຂະຫຍາຍຕົວ ແລະ ແຕກດອກ​ອອກ​ຜົນ​ຢ່າງ​ຕໍ່​ເນື່ອງ ເຫັນໄດ້​ຈາກ​ການ​ແລກປ່ຽນ​ການ​ຢ້ຽມຢາມ ແລະ ໄປມາຫາສູ່​ກັນ​ຂອງຄະນະ​ຜູ້​ແທນ​ໃນ​ລະດັບ​ປະມຸກລັດ ຫົວໜ້າ​ລັດຖະບານ ແລະ ຂະແໜງການ​ຕ່າງໆ​ຢ່າງ​ເປັນ​ປົກກະຕິ​ໃນ​ໄລຍະ​ຜ່ານ​ມາ.

ໃນ​ໂອກາດ​ການ​ພົບ​ປະ​ດັ່ງກ່າວ ​ຝ່າຍ​ລາວ​ໄດ້​ສະແດງ​ຄວາມຂອບໃຈ​ຕໍ່​ລັດຖະບານ​ບຣູ​ໄນ ​ທີ່​ໄດ້ໃຫ້ການ​ຊ່ວຍເຫຼືອ​ແກ່​ລາວ​ດ້ານຕ່າງໆ​ໃນ​ໄລຍະ​ຜ່ານ​ມາ ລວມ​ມູນ​ຄ່າ​ທັງ​ໝົດ 4.016.250 ໂດ​ລາ​ສະຫະລັດ ຫຼື ປະມານ 32 ຕື້​ກີບ ການ​ຊ່ວຍເຫຼືອ​ດ້ານ​ການ​ພັດທະນາ​ຊັບ​ພະຍາ​ກອນ​ມະນຸດ ​ພາຍ​ໃຕ້​ໂຄງການ Brunei-US English Language Enrichment Project for ASEAN ທີ່​ໄດ້​ເລີ່ມ​ປະຕິບັດ​ມາເປັນ​ເວລາ 5 ປີ.

ຂ່າວທີ່ກ່ຽວຂ້ອງ