ໂຄງການປັບປຸງລົດໄລຍະ II ສືບຕໍ່ຫຼາຍໜ້າວຽກ

308 20 ມີ.ນ. 2017 ຂ່າວໜ້າ​ໜຶ່ງ
ໂຄງການປັບປຸງລົດໄລຍະ II ສືບຕໍ່ຫຼາຍໜ້າວຽກ

ລັດ​ວິ​ສາ​ຫະ​ກິດ​ລົດເມ ນະຄອນ​ຫຼວງ​ວຽງ​ຈັນ​ ຮ່ວມ​ກັບ​ພະແນກ​ຈະລາຈອນ ນະຄອນຫຼວງວຽງ​ຈັນ ແລະ ອົງການ​ໄຈ​ກາ​ປະເທດ​ຍີ່ປຸ່ນ ຈັດ​ຖະແຫຼງ​ຂ່າວ​ໂຄງການ​ປັບປຸງ​ປະ​ສິດທິ​ຜົນ​ລົດເມ​ສາທາ​ລະນະ ໄລຍະ II ຂຶ້ນ​ວັນ​ທີ 17 ມີນາ 2017 ທີ່​ລັດ​ວິ​ສາ​ຫະ​ກິດ​ລົດເມ ນວ ຖະແຫຼງ​ຂ່າວ​ໂດຍ​ທ່ານ ຄຳ​ພູນ ເຕ​ເມ​ລາດ ອຳນວຍ​ການລັດ​ວິ​ສາ​ຫະ​ກິດ​ລົດເມ ນວ ທ່ານ Tomohiko NAKAMURA ທີປຶກສາ​ໂຄງການ​ໄຈ​ກາ ແລະ ພາກສ່ວນ​ທີ່​ກ່ຽວຂ້ອງ​ເຂົ້າ​ຮ່ວມ.

ໂຄງການ​ປັບປຸງ​ປະ​ສິດທິ​ຜົນ ລົດເມ​ສາທາລະນະ ​ໄລຍະ II ໄດ້ຮັບ​ການ​ຊ່ວຍເຫຼືອ​ຈາກ​ອົງການ JICA ປະເທດ​ຍີ່ປຸ່ນ ແຕ່​ປີ 2016-2018 ໂຄງການ​ດັ່ງກ່າວ ​ສືບຕໍ່​ຈັດຕັ້ງ​ປະຕິບັດ ເພື່ອ​ຄົ້ນຄວ້າ​ຮ່າງນະໂຍບາຍ​ຕໍ່​ການ​ຂົນສົ່ງ​ສາ​ທາລະນະ ​ເພື່ອ​ສະເໜີ​ຕໍ່​ລັດຖະບານ ຮ່ວມ​ກັບ​ບໍລິສັດ Eagle Bus ຕິດຕາມ​ຂໍ້​ມູນ​ຈາກ​ເຄື່ອງ​ນັບ​ຜູ້​ໂດຍສານ ​ທີ່​ໄດ້​ຕິດ​ຕັ້ງ​ໃສ່​ລົດເມ 42 ຄັນ ພ້ອມ​ທັງ​ປັບປຸງ​ລະບົບ​ການຄຸ້ມ​ຄອງ​ຂອງ​ລັດ​ວິ​ສາ​ຫະ​ກິດ​ລົດເມ​ຄືນໃໝ່ ເພື່ອ​ເຮັດ​ໃຫ້ການ​ບໍ​ລິການ​ມວນ​ຊົນ​ດີ​ຂຶ້ນ ແນໃສ່​ເຮັດໃຫ້​ມວນ​ຊົນ​ຫຼຸດຜ່ອນ​ການ​ນຳ​ໃຊ້ລົດ​ສ່ວນ​ຕົວ ແລະ ຫັນ​ມາ​ໃຊ້​ລົດເມ​ສາທາລະນະ​ຫຼາຍ​ຂຶ້ນ ຮ່ວມກັບ​ອົງການ JICA.

ຂ່າວທີ່ກ່ຽວຂ້ອງ