UNDP ສະໜັບສະໜູນແຜນງານໃໝ່ເພື່ອການພັດທະນາ

133 17 ມີ.ນ. 2017 ຂ່າວໜ້າ​ໜຶ່ງ

ອົງການ​ສະຫະ​ປະຊາ​ຊາດ ເພື່ອ​ການ​ພັດທະນາ (UNDP) ສະໜັບສະໜູນ 3 ແຜນ​ງານ​ໃໝ່ຄື: ແຜນ​ງານ​ສະໜັບສະໜູນການ​ປະຕິບັດ​ແຜນ​ພັດທະນາ​ເສດຖະ​ກິດ-ສັງຄົມແຫ່ງ​ຊາດ 5 ປີ ຄັ້ງ​ທີ VIII ເພື່ອ​ນຳພາ​ປະເທດຊາດ​ຫຼຸດ​ພົ້ນ​ອອກ​ຈາກ​ສະຖານະພາບ​ດ້ອຍ​ພັດທະນາ​ ກ້າວ​ຂຶ້ນໄປ​ຢູ່​ໃນ​ກຸ່ມ​ປະເທດ​ທີ່​ມີ​ລາຍ​ຮັບປານ​ກາງ ແລະ ບັນລຸ​ເປົ້າ​ໝາຍການ​ພັດທະນາ​ແບບ​ຍືນ​ຍົງ 2017-2021 ແຜນ​ງານ​ສະໜັບສະ​ໜູນ​ການ​ປະຕິບັດ SDG-18 ວ່າ​ດ້ວຍ​ການ​ເກັບ​ກູ້​ລະເບີດ​ທີ່​ບໍ່ທັນ​ແຕກ​ຕົກ​ຄ້າງ ເຊິ່ງ​ເປັນ​ອຸປະສັກ​ໃນ​ການ​ພັດທະນາ​ຊັບ​ພະຍາກອນ​ມະນຸດ ແລະ ແຜນ​ງານ​ສະໜັບ​ສະ​ໜູນ​ວຽກ​ງານ​ປົກຄອງ ເພື່ອ​ການ​ພັດທະນາ​ແບບ​ມີ​ສ່ວນຮ່ວມ ການ​ບໍລິການ​ຂອງ​ລັດ​ຢູ່ຂັ້ນ​ທ້ອງຖິ່ນ​ໃຫ້ ​ສປປ ລາວ ເພື່ອສ້າງ​ຄວາມ​ເຂັ້ມແຂງ​ການ​ເປັນ​ຄູ່ຮ່ວມ​ພັດທະນາ​ລະຫວ່າງ​ສອງຝ່າຍ.

ພິທີ​ເປີດ​ແຜນ​ງານ​ດັ່ງກ່າວ ຈັດ​ຂຶ້ນ​ວັນ​ທີ 13 ມີນາ 2017 ຢູ່ກະຊວງ​ແຜນການ ແລະ ການລົງທຶນ (​ຜທ) ມີ​ທ່ານ ສຸພັນ ແກ້ວ​ມີ​ໄຊ ລັດຖະມົນຕີ​ກະຊວງ ​ຜທ ທ່ານ​ນາງ Helen Clark ຜູ້ບໍລິຫານ​ອົງການ UNDP ແລະ ປະທານ​ກຸ່ມ UNDP ພ້ອມ​ດ້ວຍພະນັກງານ​ກ່ຽວຂ້ອງ ແລະ ແຂກຖືກ​ເຊີນ​ເຂົ້າ​ຮ່ວມ.

ຂ່າວທີ່ກ່ຽວຂ້ອງ