ຫຼາຍກວ່າ 50 ນະຄອນ ຮ່ວມລົງທະບຽນເປັນຕົວເມືອງໜ້າຢູ່

227 17 ມີ.ນ. 2017 ຂ່າວໜ້າ​ໜຶ່ງ
ຫຼາຍກວ່າ 50 ນະຄອນ ຮ່ວມລົງທະບຽນເປັນຕົວເມືອງໜ້າຢູ່

ກອງ​ປະຊຸມ​ຂົນສົ່ງ​ແບບ​ຍືນຍົງ ແລະ ເປັນ​ມິດ​ຕໍ່​ສິ່ງ​ແວດລ້ອມ​ ຄັ້ງ​ທີ 10 ໄດ້​ດຳເນີນ​ມາ 3 ວັນ ຮອດ​ວັນ​ທີ 16 ມີນາ 2017 ສຳເລັດ ເປັນ​ປະທານ​ໂດຍ​ທ່ານ ບຸນ​ຈັນ ສິນ​ທະ​ວົງ ລັດຖະມົນຕີ ກະຊວງ​ໂຍທາ​ທິ​ການ ແລະ ຂົນສົ່ງ ມີ​ບັນດາ​ຜູ້ນຳ​ລະດັບ​ສູງ​ຈາກກະຊວງ​ຂົນສົ່ງ ກະຊວງ​ສິ່ງ​ແວດລ້ອມ ກະຊວງ​ພັດທະນາ​ຕົວເມືອງ ກະຊວງ​ສາທາລະນະ​ສຸກ ແລະ ຕາງໜ້າ​ພາກສ່ວນ​ລັດ​ຖະບານ​ຈາກ​ບັນດາ​ປະເທດ​ໃນ​ອາຊີ ແລະ ປາ​ຊີ​ຟິກ ທັງ​ໝົດ 38 ປະເທດ ແລະ ຕາງໜ້າ​ອົງການ​ຈັດຕັ້ງ​ສາກົນ ບັນດາ​ພາກ​ທຸລະ​ກິດ ແລະ ພາກສ່ວນ​ທີ່​ກ່ຽວຂ້ອງ​ເຂົ້າຮ່ວມ.

ກອງ​ປະຊຸມ​ຄັ້ງ​ນີ້ ໄດ້​ຮັບຮອງຮ່າງ​ຖະແຫຼງການ​ວຽງ​ຈັນ​ກ່ຽວກັບ​ການ​ຂົນສົ່ງ​ຊົນນະບົດ​ຍືນ​ຍົງ ເພື່ອ​ບັນລຸ​ເປົ້າ​ໝາຍ​ຂອງ​ການ​ພັດທະນາ​ແບບ​ຍືນ​ຍົງ​ຮອດ​ປີ 2030 ເຊິ່ງ​ຖະແຫຼງການ​ດັ່ງກ່າວ​ເປັນ​ຖະແຫຼງ​ການ​ທີ່​ສຳຄັນ ​ໃນ​ການ​ຈັດຕັ້ງ​ປະຕິບັດ​ຂົນສົ່ງ​ແບບ​ຍືນ​ຍົງ ແລະ ເປັນ​ມິດ​ຕໍ່​ສິ່ງແວດລ້ອມ ແລະ ມີ​ຄວາມ​ໝາຍ​ຄວາມ​ສຳຄັນ​ຕໍ່​ການ​ພັດທະນາ​ນະໂຍບາຍແຜນການ-ການ​ເງິນ ແລະ ການພັດທະນາ​ພື້ນຖານ​ໂຄງ​ລ່າງ​ການ​ຂົນສົ່ງ​ຊົນນະບົດ.

ຂ່າວທີ່ກ່ຽວຂ້ອງ