ສະຖານທູດການາດາ ຈະຈັດກິດຈະກຳສາຍຮູບເງົາ

104 17 ມີ.ນ. 2017 ຂ່າວໜ້າ​ໜຶ່ງ

ວັນ​ທີ 15 ມີນາ 2017 ທ່ານ ລີ​ແອນ ເຮີ​ແມນ ອຸປະ​ທູດ​ປະເທດກາ​ນາ​ດາ ປະຈຳ​ລາວ ໄດ້​ກ່າວວ່າ: ປີ 2017 ກາ​ນາ​ດາ​ໄດ້​ມີການ​ສະເຫຼີມສະຫຼອງ ຄົບຮອບ 150 ປີ ແຫ່ງ​ການ​ລວມ​ຕົວ​ກັນເປັນ​ສະຫະພາບ​ໃນ​ປະເທດ ແລະ ໃນ​ບັນດາ​ສະຖານທູດ​ຢູ່​ໃນ​ທົ່ວໂລກ ວິໄສ​ທັດ​ສຳລັບ Canada 150 ແມ່ນ​ເພື່ອ​ສ້າງ​ແຮງ​ບັນດານ​ໃຈ​ໃຫ້​ປະຊາຊົນ​ຊາວ​ກາ​ນາດາ ສາມາດ​ເຊື່ອມ​ຕໍ່​ເຂົ້າ​ຫາ​ກັນໄດ້ ເພື່ອ​ສະເຫຼີມສະຫຼອງ​ຄຸນຄ່າທີ່​ມີ​ການ​ແບ່ງປັນ​ກັນ ຜົນສຳເລັດຄວາມ​ສະຫງ່າ​ຜ່າເຜີຍ​ຂອງ​ສະພາບ​ແວດ​ລ້ອມ ແລະ ສະຖານະການ​ຂອງ​ກາ​ນາ​ດາ​ໃນ​ໂລກ.

ຊາວ​ກາ​ນາ​ດາ​ຮູ້ສຶກ​ອົບ​ອຸ່ນ​ຢູ່ໃນ​ຂົງເຂດ​ອາ​ຊຽນ ໃນ​ການ​ສະເຫຼີມ​ສະຫຼອງ ຄົບຮອບ 40 ປີ ໃນຖານະ​ເປັນ​ຄູ່​ຮ່ວມ​ສົນທະນາ ການາ​ດາ​ໄດ້​ມີ​ສາຍ​ພົວພັນ​ທີ່​ແໜ້ນແຟ້ນ​ກັບ​ລາວ ຕະຫຼອດ​ໄລຍະ​ເວລາ 60 ປີຂອງ​ມິດຕະພາບ ແລະ ສາຍ​ພົວພັນ​ທາງ​ການ​ທູດ​ຫຼາຍກວ່າ 40 ປີ ກາ​ນາ​ດາ​ໃຫ້​ຄຳ​ໝັ້ນສັນຍາ​ໃນ​ການ​ຮັດ​ແໜ້ນ​ສາຍ​ພົວພັນ​ກັບ​ລາວ ແລະ ຂົງເຂດ​ອາຊຽນ ໃນ​ຊຸມ​ປີຜ່ານມາ​ ກາ​ນາ​ດາສະໜອງ​ທຶນ​ໃນ​ຫຼາຍ​ຂົງເຂດ ເຊັ່ນ: ວຽກ​ງານ​ລະເບີດ​ທີ່​ບໍ່​ທັນແຕກ ຫຼື UXO ການ​ຫຼຸດຜ່ອນ​ໄພຄຸກ​ຄາມ​ທາງ​ດ້ານ​ຊີວະ​ພາບ ການ​ສ້າງ​ຄວາມ​ເຂັ້ມແຂງ​ດ້ານວຽກ​ງານ​ຄວບ​ຄຸມ​ຊາຍ​ແດນ ການ​ຕ້ານ​ການ​ຟອກ​ເງິນ ແລະ ການ​ໃຫ້ການ​ສະໜັບສະໜູນ​ທາງ​ດ້ານ​ການ​ເງິນ​ໃນ​ການ​ຕໍ່ສູ້​ກັບການ​ກໍ່​ການ​ຮ້າຍ ເຊິ່ງ​ວັນ​ທີ 16 ມີນາ 2017 ໄດ້​ມີ​ສະແດງ​ສິລະ​ປະ​ທີ່​ສູນ​ພາສາຝຣັ່ງ ນະຄອນຫຼວງ​ວຽງ​ຈັນ ແລະ ສະແດງ​ການ​ເຮັດ​ອາຫານ​ກາ​ນາດາ​ທີ່​ຮ້ານ​ອາຫານ Le Silapa ມີອາຫານ 5 ເຍື່ອງ ແລະ ມີ​ການສາຍຮູບເງົາ Room ທີ່​ຖະໜົນຄົນ​ຍ່າງ (ບ້ານ​ມີ​ໄຊ) ໃນ​ວັນ​ທີ 23 ມີນາ 2017 ເວລາ 20.30 ໂມງ.

ຂ່າວທີ່ກ່ຽວຂ້ອງ