ເຈົ້າ​ໜ້າ­ທີ່​ຂອງ ​ຊູ​ແອດ ແລະ ສ ອາ​ເມ​ຣິ​ກາ ຖືກ​ລັກ​ພາ​ຕົວ ​ຢູ່​ ສປ ກົງ​ໂກ

389 15 ມີ.ນ. 2017 ຂ່າວຕ່າງປະເທດ
ເຈົ້າ​ໜ້າ­ທີ່​ຂອງ ​ຊູ​ແອດ ແລະ ສ ອາ​ເມ​ຣິ​ກາ ຖືກ​ລັກ​ພາ​ຕົວ ​ຢູ່​ ສປ ກົງ​ໂກ

ຂ່າວ­ສານ Reuters ລາຍງານ​ວ່າ ລັດ­ຖະ­ບານ ​ສາ​ທາ​ລະນະ​ລັດ ປະ­ຊາ­ທິ­ປະ­ໄຕ ກົງ​ໂກ (ສປ ກົງ​ໂກ) ແຈ້ງ​ໃຫ້​ຮູ້­ເມື່ອ​ວັນທີ 13 ມີ­ນາ​ນີ້​ວ່າ ບັນ­ດາ​ເປົ້າ​ໝາຍທີ່​ບໍ່​ຮູ້​ແຈ້ງ­ວ່າ​ເປັນ​ກຸ່ມ​ໃດໄດ້​ລັກພາ​ຕົວ​ເຈົ້າ​ໜ້າ­ທີ່​ຂອງ​ອົງ­ການ​ສະຫະ​ປະ­ຊາ​ຊາດ 2 ຄົນ ທີ່​ຖື​ສັນຊາດ ຊູ​ແອດ ແລະ ສ ອາ​ເມ​ຣິ​ກາ ລວມ​ເຖິງ​ຊາວ​ກົງ​ໂກ ອີກ 4 ຄົນ.

ເຫດ­ການ​ດັ່ງ­ກ່າວ​ເກີດ​ຂຶ້ນ​ຢູ່​ໃນແຂວງຄາ​ຊາຍ (ພາກ​ກາງ ສປ ກົງ​ໂກ) ແຕ່​ບໍ່​ເປັນ​ທີ່​ຈະ​ແຈ້ງ­ວ່າ ເຫດ­ການ​ນີ້​ເກີດ​ຂຶ້ນ​ເມື່ອໃດ ຖະແຫຼງ​ການ​ດັ່ງ­ກ່າວ​ຢືນ­ຢັນ​ວ່າ ລັດຖະ​ບານ ສປ ກົງ​ໂກ ພວມ​ສົມ­ທົບກັບ Monusco (ຄະ­ນະ​ຂອງ ສປຊ ຢູ່​ໃນ ກົງ​ໂກ) ເພື່ອ​ໃຫ້​ຜູ້​ທີ່ຖືກ​ລັກ​ພາ​ຕົວ​ນັ້ນ​ໄດ້​ຮັບ​ການປ່ອຍ​ຕົວ​ເປັນ​ອິດ­ສະ­ຫຼະ.

ຂ່າວທີ່ກ່ຽວຂ້ອງ