ຈີນ ກວດ​ພົບ​ກໍ­ລະ­ນີ​ຕິດ​ໄວ​ຣັສ H7N9 ລາຍ​ໃໝ່

72 15 ມີ.ນ. 2017 ຂ່າວຕ່າງປະເທດ
ຈີນ ກວດ​ພົບ​ກໍ­ລະ­ນີ​ຕິດ​ໄວ​ຣັສ H7N9 ລາຍ​ໃໝ່

ຄະ­ນະ​ກຳ­ມະ­ການ​ສາ​ທາ​ລະນະ​ສຸກ ແລະ​ ວາງ​ແຜນ​ຄອບ­ຄົວ ໃນ​ແຂວງຈຽງ​ຊູ (ຈີນ) ໄດ້​ເປີດເຜີຍ​ເມື່ອ​ວັນ​ທີ 13 ມີ­ນາ​ນີ້ ວ່າ ມີກໍ­ລະ­ນີ​ຜູ້​ຕິດ​ໄວ​ຣັສ H7N9 ໃໝ່​ໃນຄົນ​ອີກ 4 ລາຍ ໃນ​ນັ້ນມີ 1 ລາຍເສຍ​ຊີ­ວິດ.

ຂ່າວ​ແຈ້ງ­ວ່າຈາກ​ທີ່​ໄດ້​ກວດພົບ​ຄົນ​ເຈັບ​ຕື່ມ 4 ລາຍ​ດັ່ງ­ກ່າວ ເຮັດ​ໃຫ້​ຍອດ​ຈຳ­ນວນ​ຜູ້​ຕິດ​ໄວ​ຣັສ H7N9 ໃນ​ຄົນ​ຢູ່​ໃນທ້ອງ­ຖິ່ນ​ດັ່ງກ່າວ ນັບ​ແຕ່​ຕົ້ນ​ປີ 2017 ເປັນຕົ້ນ​ມາ ຂຶ້ນ​ເປັນ 36 ລາຍ ໃນ​ນັ້ນມີ​ຜູ້​ເສຍ​ຊີ­ວິດ 12 ລາຍ.

H7N9 ເປັນ​ໄວ​ຣັສ​ໄຂ້​ຫວັດ​ສັດປີກ​ທີ່​ໄດ້​ກວດ​ພົບ​ໃນ​ຄົນ​ເປັນ​ເທື່ອທຳ​ອິດ​ຢູ່​ຈີນ ເມື່ອ​ເດືອນ​ມີ­ນາ ປີ 2013 ການ​ຕິດ­ຕໍ່ຂອງ​ໄວ​ຣັສ​ດັ່ງກ່າວ ເກີດ​ຂຶ້ນ​ເປັນ​ປະ­ຈຳພາຍໃນ​ລະ­ດູ​ໜາວ ແລະ ລະ­ດູ​ບານໃໝ່.

ຂ່າວທີ່ກ່ຽວຂ້ອງ