ຮູ້ພາສາລາວ ມື້ລະຄຳ : ສ່ຳ

160 02 ມີ.ນ. 2017 ຫົວຂໍ້ຂ່າວອື່ນໆ

ເປັນ​ຄຳ​ລາວ​ເດີມ ເປັນ​ໄດ້​ທັງ​ຄຳ​ກິ­ລິ­ຍາ ແປ​ວ່າ ເວົ້າ​ຄ່ອຍ​ໃສ່​ຫູ ແລະ ຄຳ​ນາມ ແປ​ວ່າ ພວກ, ໝູ່, ຂະ­ໜາດ, ທໍ່​ກັນ, ຮຸ່ນດຽວກັນ (ວັດ­ຈະ­ນະ​ນຸ​ກົມພາ­ສາ​ລາວ ທອງ­ຄຳ ອ່ອນ​ມະນີ​ສອນ, 2008:273) ຈຶ່ງ​ພົບເຫັນ​ໃຊ້​ທັງ​ໃນ​ຊີ­ວິດ​ປະ­ຈຳ​ວັນ ແລະ ທັງ​ວັນ­ນະ­ຄະ­ດີ.

ຕົວ­ຢ່າງ:

- ຂ້ອຍ​ສູງ​ສ່ຳ​ເຈົ້າ

- ພວກ​ເຮົາ​ຮຽນ​ຈົບ​ສ່ຳ​ກັນ

- ໄມ້​ສອງ​ທ່ອນ​ນີ້​ຍາວ​ສ່ຳ​ກັນ

ນອກ­ຈາກ​ນີ້, ຍັງ​ໃຊ້​ເປັນ​ຄຳ​ອຸ­ທານ​ໄດ້​ເຊັ່ນ: ສ່ຳ​ຊິ​ກິນ​ຕໍ່​ແຮງ!, ສ່ຳ​ມຶງ​ຢ່າ​ຂີ້​ຄຸຍ!..

ຕົວ­ຢ່າງ:

...ໂຊກ​ສ່ຳ​ຮ້າງ    ຮາມ​ໝ້າຍ​ໝູ່​ສາວ...

...ທຸກ​ສ່ຳ​ເໝົ້າ     ນາງ​ທ້າວ​ພາ​ກວັງ...

...ທັງ​ສ່ຳ​ເຊື້ອ                  ຊາວ​ຊັ້ນ​ແມ່​ເມືອງ...

...ເທວີ​ເໝົ້າ                    ນັກ­ສະ­ໜົມ​ແສນ​ສ່ຳ...

...ຂໍ​ອາ­ໄສ                      ສ່ຳ​ຮານ​ດອມ​ເຈົ້າ... (ຄັດ​ຈາກ​ສັງ​ສິນ​ໄຊ)

ຂ່າວທີ່ກ່ຽວຂ້ອງ