ດັບເຫງົາ ເຊົາຄຽດ - ໂດຍ : ບ່າວກະບື : ມັນ​ບໍ່​ລວກ​ດອກ

444 21 ກ.ພ. 2017 ຫົວຂໍ້ຂ່າວອື່ນໆ

ລຸງ​ສິ້ວ ຕິດ​ປັ້ນ​ກາ­ເຟ​ແທນ​ເຂົ້າ​ເຊົ້າ ທຸກໆ​ເຊົ້າ​ລາວ​ເຂົ້າ​ໄປ​ສັ່ງກາ­ເຟ​ດຳ​ປຸກໆ​ຈອກ​ໜຶ່ງ​ມາ​ຫູບ ຈ່າຍ​ເງິນ​ແລ້ວ​ກໍ່​ປັດ​ກົ້ນ​ໜີ ບໍ່​ສົນເລື່ອງ​ເຂົ້າ ຫຼື ເຂົ້າ­ໜົມ ດື່ມ​ແຕ່​ກາ­ເຟ​ກໍ່​ກຸ້ມ​ຮອດ​ເວ­ລາ​ສຳ­ລັບ​ເຂົ້າ­ທ່ຽງ ເຊົ້າ​ນີ້​ມີ​ເຫດ​ເກີດ​ຂຶ້ນ ເຮັດໃຫ້​ລຸງ​ສິ້ວ​ໂມ­ໂຫຈົນ​ໂຕ​ສັ່ນ ສາວ​ເສີບ​ຍົກ​ຈອກ​ກາ­ເຟ​ມາ​ໃຫ້​ລຸງ ແຕ່​ຈະ​ເປັນ​ເລື່ອງ​ບັງ­ເອີນ ຫຼື ຕັ້ງ­ໃຈ ລຸງ​ພົບ​ວ່າ​ນິ້ວ​ໂປ້​ຂອງ​ສາວ​ເສີບ​ແຊ່​ຢູ່ຈອກ​ກາ­ເຟ ລຸງ​ຮ້ອງ​ຂຶ້ນ​ວ່າ:

“ຕາຍໆ ເຫດ​ໃດ​ວ່າ​ເອົາ​ໂປ້​ມື​ຈຸ່ມ​ໃສ່​ຈອກ​ກາ­ເຟ​ຂ້ອຍ... ໂອ້ຍ​ໜ່າຍ​ຊາດ​ເດ້!” ສາວ​ເສີບ​ຕອບ​ວ່າ:

“ບໍ່​ເປັນ​ຫຍັງ​ດອກ​ລຸງ ກາ­ເຟ​ນີ້​ບໍ່​ຮ້ອນ​ຈັກ​ດີ້ ຫຼານ​ຊົງ​ໄວ້​ແຕ່​ເຊົ້າ​ພຸ້ນ ບໍ່​ຕ້ອງ​ຢ້ານ​ວ່າ​ມັນ​ຊິ​ລວກ​ມື​ຫຼານ​ດອກ!.

ຂ່າວທີ່ກ່ຽວຂ້ອງ