ຂ່າວຫຼ້າສຸດ

ດັບເຫງົາ ເຊົາຄຽດ - ໂດຍ : ບ່າວກະບື : ເມົາ​ແລ້ວ​ໃຫຍ່

506 30 ມ.ກ. 2017 ຫົວຂໍ້ຂ່າວອື່ນໆ

ພະ­ນັກ­ງານ​ໜຸ່ມ​ນ້ອຍ​ຂີ້​ເຫຼົ້າ​ຄົນ​ໜຶ່ງ ​ຖືກ​ທ່ານ​ຫົວ­ໜ້າ​ກົມ​ເອີ້ນ​ໄປ​ຕັກເຕືອນ​ສອງ­ຕໍ່­ສອງ ເພື່ອ​ໃຫ້​ຜູ້­ກ່ຽວ​ປ່ຽນ​ນິ­ໄສ ຄໍ​ທອງ­ແດງ.

ທ່ານ​ຫົວ­ໜ້າ​ກົມ: “ນ້ອງ​ຍັງ​ໜຸ່ມ​ນ້ອຍ ຫາ­ກໍ່​ເຂົ້າ​ການ​ໃໝ່ໆ ມີ​ວິ­ຊາ​ຄວາມ​ຮູ້​ສູງ ພາ­ສາ​ອັງ­ກິດ​ນ້ອງ​ກໍ່ເກ່ງ ອ້າຍ​ຂໍ​ໃຫ້​ນ້ອງເຊົາ​ສຳ​ມະ​ເລ​ເທ​ເມົາ ວຽກ​ບໍ່​ເຮັດ ງານ​ບໍ່​ສ້າງ ມາ​ການ​ຊ້າ ເມົາ​ຄ້າງ​ເປັນ​ປະ­ຈຳ ເຮັດ​ແນວ​ນີ້​ມັນ​ເສຍ​ອະ­ນາ­ຄົດ ຖ້າ​ນ້ອງປ່ຽນ­ແປງ ອະ­ນາ­ຄົດ​ຂອງ​ນ້ອງ​ຈະ​ຮຸ່ງ­ເຮືອງ ອີກ​ບໍ່​ດົນ​ນ້ອງ​ກໍ່​ຈະໄດ້​ເປັນ​ພະ­ນັກ­ງານ​ຫຼັກ​ແຫຼ່ງ ຮອງ​ພະ​ແນກ ຫົວ­ໜ້າ​ພະແນກ​ຕໍ່ໆຂຶ້ນ​ໄປ ​ເປັນ​ຮອດ​ຫົວ­ໜ້າ​ກົມ​ຄື​ອ້າຍ...”

ພະ­ນັກ­ງານ​ໜຸ່ມ​ຂີ້​ເມົາ: “ຂໍ​ຂອບ­ໃຈ​ອ້າຍ... ເລື່ອງ​ຊັ້ນເລື່ອງ​ຫຼືບ ນ້ອງ​ບໍ່​ສົນ ທຸກ​ຄັ້ງ​ເມື່ອ​ນ້ອງ​ດື່ມ​ຈົນເມົາ ນ້ອງ​ມີ​ຄວາມ​ຮູ້­ສຶກ​ໃຫຍ່​ສ່ຳ​ລັດ­ຖະ­ມົນ­ຕີ​ພຸ້ນ!”.

ຂ່າວທີ່ກ່ຽວຂ້ອງ