ການ​ໃຫ້ ແລະ ຮັບ​ນາມ­ບັດ - ໂດຍ : ສາວ​ສິ້ນ​ແຕ້ມ

603 27 ມ.ກ. 2017 ຫົວຂໍ້ຂ່າວອື່ນໆ
ການ​ໃຫ້ ແລະ ຮັບ​ນາມ­ບັດ - ໂດຍ : ສາວ​ສິ້ນ​ແຕ້ມ

ໃນ​ປັດ­ຈຸ­ບັນ ການ­ແຈກ­ຢາຍ​ນາມ­ບັດ​ນັ້ນ​ເປັນ​ເລື່ອງ​ທຳ​ມະ​ດາ​ສາ­ມັນ ບໍ່​ເປັນ​ເລື່ອງ​ພິ­ເສດ​ຄື​ເມື່ອ​ກ່ອນ ເມື່ອ​ກ່ອນ​ຜູ້​ທີ່​ມີ​ນາມ­ບັດແຈກ​ໝູ່​ນັ້ນ​ ມັກ​ຈະ​ເປັນ​ຜູ້​ມີ​ຖາ­ນະ ເປັນ​ຜູ້​ໃຫຍ່​ໄມ້​ສູງ ຫຼື ບໍ່​ກໍ່​ເປັນນັກ­ທຸ­ລະ­ກິດ ​ມື​ຫິ້ວ​ກະ​ເປົ໋າ​ເຈມ​ບອນ ແຕ່​ດຽວ­ນີ້​ແມ່​ຄ້າ­ຂາຍ​ກ້ວຍປີ້ງ ເຂົ້າ­ປຽກ ຫຼື ປີ້ງ​ເອັນ ກໍ່​ມີ​ນາມ­ບັດ​ແຈກ ນາມ­ບັດ​ມີ​ຄວາມ​ສຳຄັນ​ພຽງ​ບອກ​ຊື່-​ບ່ອນ­ຢູ່ ​ໃຫ້​ຄົນ​ອື່ນ​ຮູ້ ແຕ່​ສຳ­ຄັນ​ໄປ​ກວ່າ​ນັ້ນກໍ່​ຄື ການ​ໃຫ້ ແລະ ການ​ຮັບ​ນາມ­ບັດ ການ​ຍື່ນ​ນາມ­ບັດ​ໃຫ້​ຄົນ​ອື່ນ​ນັ້ນ ຕ້ອງ​ຍື່ນ​ເບື້ອງ​ທີ່​ຜູ້​ຮັບ​ອ່ານຊື່​ອອກ ບໍ່​ແມ່ນ​ປິ່ນ​ທາງ​ຂ້າງ ຫຼື ທາງປີ້ນ​ໃຫ້ ການ​ຍື່ນ​ກໍ່​ຕ້ອງ​ໃຊ້​ສອງ​ມື​ຈັບ (ຖ້າ​ມອບ​ໃຫ້​ຜູ້​ອາ­ວຸ­ໂສ) ເພື່ອ​ສະ­ແດງ​ຄວາມສຸ­ພາບ ຜູ້​ຮັບ​ນາມ­ບັດ​ກໍ່​ຕ້ອງ​ໃຊ້​ເວ­ລາ​ເບິ່ງນາມ­ບັດ​ພໍ­ງາມ ບໍ່​ແມ່ນ​ຈັບ​ແລ້ວ​ກໍ່​ຮີບ​ເອົາ​ຍັດ​ໃສ່​ຖົງ​ໂລດ ການຮັບ​ນາມ­ບັດແລ້ວ​ເອົາ​ຍັດ​ໄວ້​ຖົງ​ໂສ້ງ ຫຼື ປົງ​ໄວ້​ບ່ອນ​ເໝາະ​ສົມ​ນັ້ນ ຖື​ເປັນ​ການ​ຂາດ​ມາ­ລະ­ຍາດ.

ຂ່າວທີ່ກ່ຽວຂ້ອງ