ສະ­ຕິ​ຂາດ ມາ­ລະ­ຍາດ​ເສຍ - ໂດຍ : ສາວ​ສິ້ນ​ແຕ້ມ

741 23 ມ.ກ. 2017 ຫົວຂໍ້ຂ່າວອື່ນໆ
ສະ­ຕິ​ຂາດ ມາ­ລະ­ຍາດ​ເສຍ - ໂດຍ : ສາວ​ສິ້ນ​ແຕ້ມ

ກາ​ຕູນ​ແຜ່ນ​ນີ້ ນາງ ຜາ​ສຸກ ມື​ແຕ້ມ​ສະ­ໝັກ​ຫຼິ້ນ​ເປັນ​ຄົນ​ແຕ້ມ ແຕ່​ມັນ​ສາ­ມາດ​ສ່ອງ​ແສງ​ຄວາມ​ເປັນ​ຈິງ​ໄດ້​ແມ່ນ​ຢຳ​ທີ່​ສຸດ ຄື: ພະນັກ​ງານ ຫຼື ວິ­ຊາ​ການ​ຊັ້ນ​ຜູ້​ນ້ອຍ​ຂອງ​ພວກ​ເຮົາ​ບາງ​ຄົນ​ ຂາດ​ການຊັ່ງ­ຊາ​ເລື່ອງ​ມາ­ລະ­ຍາດ​ອັນ​ດີ­ງາມ​ທີ່​ຄວນ​ປະ­ຕິ­ບັດ​ກັບ​ບຸກ­ຄົນ​ຂັ້ນຫົວ­ໜ້າ ເພື່ອ​ສະ­ແດງ​ຄວາມ​ນັບ­ຖື ແລະ ໃຫ້​ກຽດ ບໍ່​ແມ່ນ​ຍາມໃດ​ກໍ່ “ຕົກ​ນ້ຳ​ຫົວ​ພຽງ​ກັນ” ຕົວ­ຢ່າງນ້ອຍໆ​ທີ່​ກາ​ຕູນ​ນີ້​ສ່ອງ​ແສງກໍ່​ຄື ເລື່ອງ​ຫົວ­ໜ້າ​ສັ່ງ​ວຽກ​ໃຫ້​ພິມ ຫຼື ອັດ​ເອ­ກະ­ສານ​ໃຫ້​ສອງ​ສະບັບ ແຕ່​ຝ່າຍ​ສາວ​ເລ­ຂາບໍ່​ຍິນ​ຄັກ ຫຼື ຕັ້ງ­ໃຈ​ຖາມ​ຄືນ​ເພື່ອ​ຄວາມແນ່​ໃຈ ແທນ​ທີ່​ຈະ​ເວົ້າ​ວ່າ “ຂໍ​ໂທດ ນ້ອງ​ຍິນ​ບໍ່​ຄັກ... ຫົວ­ໜ້າ​ສັ່ງພິມ​ສອງ​ສະ­ບັບແມ່ນ​ບໍ່?” ແຕ່​ສາວ​ເລ­ຂາ​ຄົນ​ນີ້​ຜັດ​ຫຼົງ​ໂຕ... ເລີຍເດ່​ມື​ຈ່າງ​ນິ້ວ​ອອກ​ສອງ​ນິ້ວ ແລ້ວ​ຖາມ​ຄືນ​ວ່າ “ສອງ​ສະ­ບັບ​ບໍ​ຫົວໜ້າ” ປາ­ກົດ­ການ​ແບບ​ນີ້​ມັກ​ເຫັນ​ເລື້ອຍໆ... ປີ​ໃໝ່​ແລ້ວ​ປ່ຽນ​ສາເຍີ!.

ຂ່າວທີ່ກ່ຽວຂ້ອງ