ຂ່າວຫຼ້າສຸດ

ດັບເຫງົາ ເຊົາຄຽດ - ໂດຍ : ບ່າວກະບື : ຄົນ U-90

563 20 ມ.ກ. 2017 ຫົວຂໍ້ຂ່າວອື່ນໆ

ເຖົ້າ ເຕີ່ງ ອາ­ຍຸ​ຍ່າງ​ເຂົ້າ 87 ປີ​ແລ້ວ ແຕ່​ນ້ຳ­ໃຈ​ກີ­ລາ​ຂອງ​ເຖົ້າ​ບໍ່​ເຄີຍເຫືອດ​ແຫ້ງ ເຖົ້າ​ຕິດ​ຊົມ​ບານ­ເຕະ​ປານ​ຕິດ​ຢາ​ບ້າ ບໍ່ວ່າ​ຈະ​ຢູ່​ໜ້າ​ຈໍ ຫຼື ຢູ່​ສະໜາມ ເຖົ້າ​ເສຍ​ໃຈ​ທີ່​ບໍ່​ມີ​ໂອ­ກາດ​ລົງ​ເດີ່ນ​ຄາວ​ຍັງ​ໜຸ່ມ ແຕ່​ຖ້າ​ເປັນ​ໄປ​ໄດ້​ເຖົ້າ​ຂໍ​ລົງ​ເດີ່ນ​ດຽວ­ນີ້​ກໍ່​ໄດ້ ແຕ່ຄົງ​ບໍ່​ມີ​ທີມ​ໃດ​ຮັບ​ຄົນ​ເຖົ້າ​ອາ­ຍຸ​ເລີຍ 80 ເຖົ້າ​ອິດ­ສາ​ພວກ U-20 (ນັກ­ກີ­ລາ​ເຕະ­ບານ​ອາ­ຍຸ​ຫຼຸດ 20 ປີ) U-16... ເຖົ້າ​ບໍ່​ຮູ້​ພາ­ສາ​ອັງ­ກິດ ແຕ່​ຈື່​ວ່າ​ມັນ​ຂຽນ​ແບບ​ໃດ ເວ­ລາ​ເຖົ້າ​ເຫັນ​ຄຳ​ວ່າ U-20 U-16 ເຖົ້າ​ຮູ້ໂລດ​ວ່າ​ ເປັນ​ນັກ­ກີ­ລາ​ເຕະ­ບານ​ອາ­ຍຸ​ຫຼຸດ 20 ປີ ຫຼຸດ 16 ປີ ຢູ່​ມາ​ມື້­ໜຶ່ງ ເຖົ້າ ເຕີ່ງ ເຫັນ​ປະ­ກາດ​ຮັບ​ພະນັກ​ງານ​ຢູ່​ຮ້ານ U-90 ເຖົ້າ​ຮີບ​ເຂົ້າ​ໄປ​ຮ້ານ​ດັ່ງ­ກ່າວ ແລະ ສະ­ເໜີ​ຕົວ​ວ່າ:

“ເຮົາ... ອາ­ຍຸ 87 ປີ ຂໍ​ສະ­ໝັກ​ເຂົ້າ​ເຕະ­ບານ​ລຸ້ນ​ອາ­ຍຸ U-90 ຫຼຸດ 90 ປີ”.

ເຈົ້າ​ຂອງ​ຮ້ານ​ສະ­ແດງ​ອາ­ການ​ສີ​ງົງໆ ແລ້ວ​ເວົ້າ​ວ່າ: “ອັນ​ນີ້​ແມ່ນ​ຮ້ານ​ຂາຍ​ນ້ຳ​ສີ U-90 ຕ່າງ­ຫາກ!”

ເຖົ້າ ເຕີ່ງ : (ເກືອບ​ເປັນ​ລົມ) !!!???

ຂ່າວທີ່ກ່ຽວຂ້ອງ