ຂ່າວຫຼ້າສຸດ

ຮູ້ພາສາລາວ ມື້ລະຄຳ : ຄຳ​ລາວ​ປັດ­ຈຸ­ບັນ - ຜາ­ສາດ

580 18 ມ.ກ. 2017 ຫົວຂໍ້ຂ່າວອື່ນໆ

ຜາ­ສາດ ຄຳ​ລາວ​ເດີມ​ທີ່​ມີເຄົ້າ​ມາ​ຈາກ​ພາ­ສາ​ປາ­ລີ-ສັນສະ​ກິດ ແປ​ວ່າ ລາ­ຊະ​ວັງ, ຫໍໂຮງ, ມົນ­ທຽນ (ວັດ­ຈະ­ນະ​ນຸກົມພາ­ສາ​ລາວ ທອງ­ຄຳ ອ່ອນ​ມະ­ນີ​ສອນ, 2012:567), ຈຶ່ງ​ພົບເຫັນ​ໃຊ້​ໃນ​ຊີ­ວິດປະ­ຈຳ​ວັນ ແລະ ສ່ວນ​ຫຼາຍ​ໃນ​ທາງ​ສາ­ສະ­ໜາ ແລະ ວັນ­ນະ­ຄະ­ດີ​ເກົ່າ​ຫຼາຍ.

ຕົວ­ຢ່າງ:

...ວັນ​ນັ້ນ​ມາ​ເຖິງ​ຫ້ອງ ຫໍ​ປາງ​ຜາ­ສາດ... (ນິ­ທານ​ກາ­ລະ​ເກດ)

ຫາກ​ສຶກ​ສາ​ເບິ່ງ​ຕາມ​ເຄົ້າ​ສັບ​ແລ້ວ, ຜາ­ສາດ ມາ​ຈາກ​ຄຳ​ເຄົ້າ​ພາສາ​ສັນ­ສະ­ກິດ “ປຣະ​ສາ​ທະ” ທີ່​ຖື​ເປັນ​ຄຳ​ຕ່າງ­ປະ­ເທດ ແລະ ຈຶ່ງໄດ້​ດັດ­ແປງ​ມາ​ໃຫ້​ຖືກ​ກັບ​ລັກ­ສະ­ນະ​ຂອງ​ພາ­ສາ​ລາວ ​ທີ່​ສະ­ກົດຕາມ​ສຽງ ຄື: ປັບ​ປ່ຽນ ປຣະ = ຜາ ແລະ ສາ​ທະ = ສາດ ຈຶ່ງ​ໄດ້ ຜາ­ສາດ ຄື​ກັນ​ກັບ​ຄຳ​ອື່ນໆ ເຊັ່ນ: ປຣະ​ກະ​ຕະ = ຜາ­ກົດ ຫຼື ປາ­ກົດ (ບໍ່​ແມ່ນ ປະ­ກົດ), ປຣະ​ລະ​ວະ = ຜາລົບ.

ຂ່າວທີ່ກ່ຽວຂ້ອງ