ດັບເຫງົາ ເຊົາຄຽດ - ໂດຍ : ບ່າວກະບື : ເຈົ້າໆ...ເຈົ້າໆ...

441 16 ມ.ກ. 2017 ຫົວຂໍ້ຂ່າວອື່ນໆ

ຫົວ­ໜ້າ​ຂັ້ນ​ເຕີບ​ຄົນ​ໜຶ່ງ​ມັກ​ສັ່ງ​ພະ­ນັກ­ງານ​ເຮັດ​ນັ້ນ​ເຮັດ​ນີ້ ແຕ່​ໂຕ​ເອງຜັດ​ນັ່ງ​ຫຼິ້ນ​ແຕ່​ໜ້າ​ຈໍ​ໂທລະ­ສັບ​ເສີຍ​ມັ່ງ​ຢູ່ ຕໍ່​ມາ​ພະ­ນັກ­ງານ​ທັງ­ຫຼາຍ​ກໍ່​ເລີຍເບື່ອ​ຄວາມ​ບໍ່​ເປັນ​ຢ້ຽມ​ຢ່າງ​ຂອງ​ຫົວ­ໜ້າ ແຕ່​ທຸກ​ຄັ້ງ​ເມື່ອ​ຫົວ­ໜ້າ​ສັ່ງ​ກໍ່​ຈະ​ມີ​ສຽງ “ເຈົ້າໆ ເຈົ້າໆ ເຈົ້າໆ...” ດັງ​ຂຶ້ນ​ຟົດ​ສະ​ນັ່ນ ແຕ່​ບໍ່​ມີ​ໃຜ​ລົງ­ມື​ເຮັດ​ວຽກ ສຸດ​ທ້າຍ​ຫົວ­ໜ້າ​ກໍ່​ເລີຍ​ເອີ້ນ​ພະ­ນັກ­ງານ​ທັງ​ໝົດມາ​ຂູດ​ວ່າ:

“ຂ້ອຍ​ສັ່ງ​ວຽກ... ພວກ​ເຈົ້າ​ຕອບ​ວ່າ “ເຈົ້າໆ ເຈົ້າໆ” ແຕ່​ຄື​ບໍ່​ມີ​ໃຜ​ເຮັດ​ວຽກ?” ແລ້ວ​ກໍ່​ມີ​ສຽງ​ຕອບພ້ອມໆ​ກັນ​ວ່າ:

“ອັນ... ພວກ​ເຮົາ​ວ່າ “ເຈົ້າໆ... ເຈົ້າໆ...ເຈົ້າໆ” ຫັ້ນ ພວກ​ເຮົາ​ໝາຍ​ຄວາມ​ວ່າ ໃຫ້​ເຈົ້າ​ພາ​ໝູ່​ເຮັດກ່ອນ”.

ຫົວ­ໜ້າ “ໂອຍ​ຕາຍ​ກູ! ຈັ່ງ​ແມ່ນ​ຊາດ​ກໍ​ເງີກ​ນໍ !” ເຂົາ​ຈົ່ມ​ຄ່ອຍໆ​ກັບ​ໂຕ​ເອງ.

ຂ່າວທີ່ກ່ຽວຂ້ອງ