ຂ່າວຫຼ້າສຸດ

ຮູ້ພາສາລາວ ມື້ລະຄຳ : ເພີງ

421 09 ມ.ກ. 2017 ຫົວຂໍ້ຂ່າວອື່ນໆ

ເພີງ ຄຳ​ລາວ​ເດີມ​ທີ່​ມີ​ຫຼາຍຄວາມ​ໝາຍ 1\ ຄຳ​ນາມ​ແປ​ວ່າ ໄຟ, 2/ ແປ​ວ່າ ປືນ​ບູ­ຮານ 3/ ຄຳ​ວິ­ເສດ ແປ​ວ່າ ພໍ, ຄວນ, ສົມ­ຄວນ (ວັດ­ຈະ­ນະ​ນຸ​ກົມ​ພາສາ​ລາວ ທອງ­ຄຳ ອ່ອນ​ມະ­ນີ ສອນ, 2012:610). ຖ້າ​ກ່ຽວ​ກັບ­ໄຟ ແມ່ນ​ມັກ​ໃຊ້​ວ່າ ວາງເພີງ, ດັບ​ເພີງ, ລົດ​ດັບ​ເພີງ. ກ່ຽວ​ກັບ ປືນ ມັກ​ເອີ້ນ​ວ່າ ປືນ​ເພີງ ແລະ ເພີງ ທີ່​ແປ​ວ່າ ພໍ, ຄວນ, ສົມ­ຄວນ ສ່ວນ​ຫຼາຍ​ພົບ​ເຫັນ​ໃຊ້​ເປັນ​ຄຳ​ສຸ­ພາ­ສິດ.

ຕົວ­ຢ່າງ:

ເພີງ​ຈາ ແລະ ບໍ່​ເພີງ​ຈາ ລັກ­ຂະ­ນາ​ໃນ​ໃຈ​ຮູ້​ແລ້ວ ຢ່າ​ເນີ (ຄຳ​ສຸ­ພາ­ສິດ ຈາກ​ນິ­ທານ​ສຽວ­ສະ­ຫວາດ)

ນອກ­ຈາກ​ນີ້, ຍັງ​ພົບ​ເຫັນ​ໃຊ້​ເປັນ​ຄຳ​ປະ­ສົມ ເຊັ່ນ: ເພີງ­ໃຈ ແປວ່າ ພໍ­ໃຈ, ຖືກ​ໃຈ, ຊອບ​ໃຈ, ຄວນ​ແກ່​ໃຈ. ເພີງ­ວ່າ ແປ​ວ່າ ພໍ­ວ່າ, ຄວນ​ວ່າ ເປັນ­ຕົ້ນ.

ຂ່າວທີ່ກ່ຽວຂ້ອງ