ຂ່າວຫຼ້າສຸດ

ຮູ້ພາສາລາວ ມື້ລະຄຳ : ສັງ­ຄົມ

470 09 ມ.ກ. 2017 ຫົວຂໍ້ຂ່າວອື່ນໆ

ສັງ­ຄົມ ຄຳ​ນາມ ເປັນ​ຄຳລາວ​ທີ່​ມີ​ເຄົ້າ​ມາ​ຈາກ​ພາ­ສາປາ­ລີ ທີ່​ປ່ຽນ​ມາ​ເປັນ​ຄຳ​ລາວ  ແປ​ວ່າ ຊຸມ​ຊົນ ຫຼື ໝູ່​ຄົນ​ທີ່­ຢູ່ຮ່ວມ​ກັນ ແລະ ມີ​ຄວາມ​ສຳພັນ​ຮ່ວມ​ມື​ກັນ (ວັດ­ຈະ­ນາ­ນຸ­ກົມພາ­ສາ​ລາວ ທອງ­ຄຳ ອ່ອນ​ມະ­ນີ​ສອນ 2008:282). ເວ­ລາ​ນຳໃຊ້, ສ່ວນ​ຫຼາຍ​ມັກ​ພົບ​ເຫັນ​ໃຊ້​ດ່ຽວ ແລະ ປະ­ສົມ. ຖ້າ​ເປັນ​ຄຳ​ປະສົມ​ກໍ​ມັກ​ເປັນ​ຄຳ​ຫຼັກ ແລ້ວ​ຈຶ່ງ​ຕື່ມ​ຄຳ​ຂະ­ຫຍາຍ​ໃສ່​ທາງ​ຫຼັງ.                 

ຕົວ­ຢ່າງ:

- ການ​ດຳ­ລົງ​ຊີ­ວິດ​ໃນ​ສັງ­ຄົມ

- ການ​ສົ່ງ­ເສີມ​ວັດ­ທະ­ນະ­ທຳ ແລະ ສັງ­ຄົມ​ໃຫ້​ກ້າວ­ໜ້າ

- ສັງ­ຄົມ​ສາດ, ສັງ­ຄົມ​ນິ­ຍົມ, ສັງ­ຄົມ​ສຶກ​ສາ,ສົງ​ຄົມ​ສົງ­ເຄາະ

ໃນ​ທາງ​ໄວ­ຍາ­ກອນ ສັງ­ຄົມ ແມ່ນ​ຄຳ​ສົນ­ທິ ໝາຍ​ຄວາມ​ວ່າ ແມ່ນ​ວິ­ທີ​ຕໍ່​ຄຳ ຫຼື ອັກ­ສອນ​ທັງ​ສັບ​ສາ­ມັນ ແລະ ສັບ​ປະ­ສົມ. ການສົນ­ທິ​ຄຳ​ແມ່ນ​ຈະ​ເຮັດ​ຄຳ​ມີ​ຈຳ­ນວນ​ອັກ­ສອນ​ໜ້ອຍ​ລົງ ແລະ ຍັງມີ​ຄວາມ​ໝາຍ​ຄື­ເກົ່າ ແລະ ຍັງ​ເປັນ​ການ​ປະ­ກອບ ຫຼື ສ້າງ​ຄຳ​ໃໝ່ ຕາມ​ຫຼັກ​ໄວ­ຍາ­ກອນ​ປາ­ລີ-ສັນ­ສະ­ກິດ.

ຂ່າວທີ່ກ່ຽວຂ້ອງ