ຂ່າວຫຼ້າສຸດ

ຮູ້ພາສາລາວ ມື້ລະຄຳ : ໄວ​ປາກ​ເສຍ​ສິນ ໄວ​ຕີນ​ຕົກ​ກົກ​ໄມ້

399 04 ມ.ກ. 2017 ຫົວຂໍ້ຂ່າວອື່ນໆ

​ໄວ​ປາກ​ເສຍ​ສິນ ໄວ​ຕີນ​ຕົກ​ກົກ​ໄມ້ ເປັນ​ຄຳ​ສຸ­ພາ­ສິດ​ເກົ່າ​ຂອງ​ລາວ ທີ່​ຖອດ​ອອກ​ມາ​ຈາກນິ­ທານ​ສຽວ­ສະ­ຫວາດ ຈຶ່ງ​ມີຄວາມ​ໝາຍ​ເລິກ­ເຊິ່ງ ແລະ ໃຫ້ຂໍ້​ຄິດ​ໄວ້​ຫຼາຍ. ໄວ​ປາກ​ເສຍ​ສິນ ເປັນ​ສຳ­ນວນ​ທີ່​ໃຊ້​ໃນ​ຊີ­ວິດ​ປະ­ຈຳ​ວັນ ໝາຍ​ເຖິງ​ຄົນ​ມັກຕາມ­ໃຈ​ຕົນເອງ, ມັກ​ເວົ້າ​ເອົາ​ປຽບ​ຜູ້​ອື່ນ​ ແບບ​ວ່າ ປາກ­ກ້າ​ວ່າ​ແຂງ ເວົ້າ​ແທງ-ເວົ້າ​ສຽດ-​ເວົ້າ​ສີ ບໍ່​ເປັນ​ສີ​ລິ​ມຸງ­ຄຸນ​ແກ່​ຕົນ ແລະ ຜູ້​ອື່ນ. ໄວ​ຕີນ​ຕົກ​ກົກ​ໄມ້ ຫຼື ໄວ​ຕີນ​ໄວ​ມື ສຳ­ນວນໝາຍ​ເຖິງ ຄົນ​ຫົວ​ແຂງ​ຈຶ່ງ​ມັກ​ປະ­ພຶດ​ຕາມ­ໃຈ​ຕົນ​ເອງ ພວກ​ນີ້​ບໍ່ມັກ​ຄິດ​ເຫັນ­ໃຈ​ຜູ້​ອື່ນ ມັກ​ອວດ​ອ້າງ​ວ່າ​ໂຕ​ດີກວ່າ​ຜູ້​ອື່ນ ຜົນ​ໄດ້​ຮັບ​ແມ່ນ​ພວກ​ນີ້​ກໍ​ເຮັດ​ຫຍັງ​ກໍ​ຜິດ­ພາດ​ບໍ່​ສຳ­ເລັດ. ສະ­ຫຼຸບແລ້ວ​ແມ່ນ​ຄົນ​ບໍ່​ດີ ​ບໍ່​ມີ​ໃຜ​ຊື່ນ​ຊົມ​ຮັກ­ຫອມ​ນຳ.

ຕົວ­ຢ່າງ:

- ຢູ່​ຮ່ວມ​ໝູ່​ໃຫ້​ລະ­ວັງ​ຢ່າ​ເຮັດ​ແບບ ໄວ​ປາກ​ເສຍ​ສິນ ໄວ​ຕີນ​ຕົກ​ກົກ​ໄມ້.

- ຜູ້​ໃດ​ໄວ​ປາກ​ເສຍ​ສິນ ໄວ​ຕີນ​ຕົກ​ກົກ​ໄມ້ ແມ່ນ​ຄົນ​ບໍ່​ຮອບຄອບ​ ຄຳ​ສຸ­ພາ­ສິດ​ນີ້ສາ­ມາດ​ໃຊ້​ໃນ​ຊີ­ວິດ​ປະ­ຈຳ​ວັນ​ໄດ້ ເພື່ອເປັນການ​ເຕືອນ​ສະ­ຕິ​ໃນ​ການ​ດຳ­ລົງ​ຊີ­ວິດ​ປະ­ຈຳ​ວັນ ເພາະ​ມັນ​ກ່ຽວ​ກັບຈິດ­ໃຈ ແລະ ການ​ປະ­ພຶດ​ຂອງ​ຄົນ ຖ້າ​ຜູ້​ໃດ​ຮູ້ ແລະ ປະ­ຕິ­ບັດ​ຫຼັກ​ປັດຊະ​ຍາ​ບູ­ຮານ​ນີ້​ໄດ້ ​ຈະ​ກາຍ­ເປັນ​ຜູ້​ຈະ­ເລີນ.

ຂ່າວທີ່ກ່ຽວຂ້ອງ