ຂ່າວຫຼ້າສຸດ

ຮູ້ພາສາລາວ ມື້ລະຄຳ : ກຳມະສິດ

883 04 ມ.ກ. 2017 ຫົວຂໍ້ຂ່າວອື່ນໆ

ກຳມະສິດ ຄຳ​ນາມ ແປ​ວ່າຄວາມ​ເປັນ​ເຈົ້າ​ຂອງ​ຊັບ​ສິນ (ວັດຈະນານຸກົມ​ພາສາ​ລາວ ທອງຄຳ ​ອ່ອນ​ມະນີ​ສອນ, 2008:45). ສ່ວນ​ຫຼາຍ​ຈະ​ພົບ​ເຫັນ​ໃຊ້​ໃນ​ທາງ​ການເມືອງ, ກົດໝາຍ, ຍຸຕິ​ທຳ, ການ​ປົກຄອງ... ທາງ​ດ້ານ​ກົດໝາຍ​ເພິ່ນ​ນິ​ຍາມ​ສະ​ເພາະວ່າ ກຳມະສິດ ແມ່ນ​ສິດ​ອັນ​ຄົບ​ຖ້ວນ ແລະ ເດັດຂາດ​ໃນ​ການ​ຄອບ​ຄອງ, ນຳ​ໃຊ້ ແລະ ​ໄດ້​ຮັບ​ໝາກຜົນ ທີ່​ເປັນ​ຂອງ​ລັດ, ລວມ​ໝູ່, ເອກະເທດ, ເອກະ​ຊົນ ແລະ ສ່ວນ​ຕົວ.

ຕົວຢ່າງ:

- ກົດໝາຍ​ວ່າ​ດ້ວຍ​ກຳມະສິດ ຂອງ ​ສປປ ລາວ.

- ກົດໝາຍ​ກຳມະສິດ​ມີ 5 ຢ່າງ​ເຊັ່ນ: ກຳມະສິດ​ຂອງ​ລັດ, ກຳມະສິດ​ລວມ​ໝູ່, ກຳມະສິດ​ເອກະເທດ, ກຳມະສິດ​ເອກະຊົນ, ກຳມະສິດ​ສ່ວນ​ຕົວ.

ນອກຈາກ​ນີ້, ຍັງ​ໃຊ້​ເປັນ​ຄຳ​ຂະຫຍາຍ​ໄດ້ ​ເຊັ່ນ ເຈົ້າ​ກຳມະສິດ, ເປົ້າ​ໝາຍ​ກຳມະສິດ, ການ​ໄດ້​ມາ​ກຳມະສິດ, ການ​ນຳໃຊ້​ກຳມະສິດ, ການ​ປົກ​ປ້ອງ​ກຳມະສິດ, ການ​ສິ້ນ​ສຸດ​ກຳມະສິດ...

ຂ່າວທີ່ກ່ຽວຂ້ອງ