ຂ່າວຫຼ້າສຸດ

ຮູ້ພາສາລາວ ມື້ລະຄຳ : ຈັ່ງ​ແມ່ນ​ຄັກ

552 30 ທ.ວ. 2016 ຫົວຂໍ້ຂ່າວອື່ນໆ

ຈັ່ງ​ແມ່ນ​ຄັກ ຄຳ​ສຳນວນລາວ ເປັນ​ຄຳ​ອຸທານ ໃຊ້​ຄື​ກັນ​ກັບຈັ່ງ​ແມ່ນ​ໂພດ, ຈັ່ງ​ແມ່ນ​ຊາດ... ສະແດງ​ເຖິງ​ອາລົມ, ຄວາມ​ຮູ້ສຶກ​ກ່ຽວ​ກັບ​ໃຈດີ, ໃຈ​ຮ້າຍ, ຕົກໃຈ, ຕື່ນເຕັ້ນ, ພູມໃຈ... ເປັນຄຳ​ສະແດງ​ອາລົມ​ຈິດ​ຂອງ​ຄົນ​ເຮົາ.

ຕົວຢ່າງ:

- ບຸນທາດຫຼວງ​ປີ​ນີ້ ເປັນ​ລະບຽບ​ຮຽນຮ້ອຍ ຈັ່ງ​ແມ່ນ​ຄັກ​ອີ່ຫຼີ !

- ໂຊກ​ດີ​ເລີຍ​ຖືກ​ເລກ​ທ້າຍ​ປີ ຈັ່ງ​ແມ່ນ​ຄັກ !

- ບອກ​ແລ້ວ​ບໍ່​ຟັງ ຍັງ​ດື້​ດຶງ​ເຮັດ​ຢູ່ ເຈັບ​ບໍ່ ? ຈັ່ງ​ແມ່ນ​ຄັກ !

- ບຸນ​ບ້ານ​ປີ​ນີ້ ມ່ວນ​ແທ້​ມ່ວນ​ວ່າ ຈັ່ງ​ແມ່ນ​ຄັກ !

- ບ້ານ​ເຮົາ​ມີ​ທາງ​ເຂົ້າ​​ບ້ານ​ໃໝ່ ຈັ່ງ​ແມ່ນ​ຄັກ​ແທ້ !

- ໄປ​ເບິ່ງ​ບຸນຊ່ວງເຮືອ ຈັ່ງ​ແມ່​ມ່ວນ​ຈັ່ງ​ແມ່ນ​ຄັກ !

- ຈັ່ງ​ແມ່ນ​ຄັກ​ນໍ! ຫ້າມ​ແລ້ວ​ ຢ່າ​ໄປ ໆ ເລີຍ​ຖືກ​ອຸປະຕິເຫດ.

ຂ່າວທີ່ກ່ຽວຂ້ອງ