ຂ່າວຫຼ້າສຸດ

ໃສ່​ໃຈ­ຄວາມ​ປອດ​ໄພ ແມ່ນ​ມາ­ລະ­ຍາດ​ທີ່​ດີ - ໂດຍ : ສາວ​ສິ້ນ​ແຕ້ມ

525 30 ທ.ວ. 2016 ຫົວຂໍ້ຂ່າວອື່ນໆ
ໃສ່​ໃຈ­ຄວາມ​ປອດ​ໄພ ແມ່ນ​ມາ­ລະ­ຍາດ​ທີ່​ດີ - ໂດຍ : ສາວ​ສິ້ນ​ແຕ້ມ

ເຄີຍ​ມີ​ຂ່າວ​ຮ້າຍ​ໃຫ້​ໄດ້​ຍິນ​ຢູ່​ເປັນ​ປະ­ຈຳ​ກ່ຽວ​ກັບ​ລົດ​ບັນ­ທຸກ​ນັກຮຽນ​ຂວ້ຳ ປີ້ນ​ລົງ​ຮ່ອງ ຫຼື ເຊ​ໄປ​ຕຳ​ກັບ​ລົດ​ຄັນ​ອື່ນ ສາ­ເຫດ​ຕົ້ນ­ຕໍ​ກໍ່ເພາະ​ບັນ­ທຸກ​ເກີນ​ຄວາມ​ສາ­ມາດ ນອກ­ຈາກ​ນັ່ງ​ບຽດ​ກັນ​ປານ​ປາ​ຢູ່ໃນ​ກະ​ປ໋ອງ​ແລ້ວ ຍັງ​ມີ​ນັກ­ຮຽນ​ຈຳ­ນວນ​ໜຶ່ງ​ງອຍ​ຢູ່​ຫຼັງ­ຄາ​ລົດ ຈຳນວນ​ໜຶ່ງ​ແຂນ​ໂອ້ນ​ໂຕ້ນ​ຢູ່​ກົ້ນ​ລົດ ຈົນ​ເຮັດ​ໃຫ້​ຫົວ​ລົດ​ເງີງ​ເກິ່ງ​ເດີ່ງ ການ​ບັນ­ທຸກ​ແບບ​ນີ້​ສຸດ​ສ່ຽງ​ຈະເກີດ​ອຸ­ບັດ​ຕິ​ເຫດ ເຈົ້າ​ຂອງ​ລົດ​ຕ້ອງມີ​ຈິດ​ສຳ­ນຶກ​ກ່ຽວ​ກັບ​ຄວາມ​ປອດ​ໄພຢ່າ​ເຫັນ­ແກ່​ໄດ້​ຢ່າງ​ດຽວ ຖ້າຕ້ອງ­ການ​ບັນ­ທຸກຫຼາຍ​ກໍ່​ຕ້ອງ​ນຳ​ໃຊ້​ລົດ​ທີ່​ມີ​ຂະ­ໜາດ​ໃຫຍ່​ກວ່າ ຫຼື ໄດ້​ວາງ​ຖ້ຽວ​ຮັບ-ສົ່ງ​ໃຫ້​ເໝາະ​ສົມ​ຂຶ້ນ ເຮັດ​ແບບ​ເກົ່າ​ບໍ່​ເຫິງ​ຈະ​ມີເຫດຮ້າຍ​ຕາມ​ມາ​ ແລ້ວ​ຈະ​ຖືກ​ສັງ­ຄົມ​ເຂກ​ໜ້າ​ວ່າ ເຫັນ­ແກ່​ໂຕ ໜ້າເລືອດ ບໍ່​ມີ​ເມືອງ​ພໍ.

ຂ່າວທີ່ກ່ຽວຂ້ອງ