ຂ່າວຫຼ້າສຸດ

ຮູ້ພາສາລາວ ມື້ລະຄຳ : ມານ

483 28 ທ.ວ. 2016 ຫົວຂໍ້ຂ່າວອື່ນໆ

ມານ ຄຳ​ນາມ ເປັນ​ຄຳລາວ​ເດີມ ທີ່​ຫຼາຍ​ຄວາມ​ໝາຍ. 1/ ມານ ມີ​ເຄົ້າ​ມາ​ຈາກ​ພາ­ສາປາ­ລີ ແປ​ວ່າ ສິ່ງ​ທີ່​ຂັດ­ຂວາງ, ສິ່ງກີດ­ຂວາງ​ ເຊັ່ນ ພະ­ຍາ​ມານ. 2/ ມານ ແປ​ວ່າ​ໂລກ​ທ້ອງ​ໃຄ່ ​ເຊັ່ນ ມານ​ຫີນ, ມານ​ເລືອດ, ມານນ້ຳ. 3/ ມານ ແມ່ນ​ໜ່ວຍ, ໝາກ, ຝັກ ເຊັ່ນ ສາ­ລີ​ສອງ​ມານ. 4/ ມານ​ແປ​ວ່າ​ມີ​ລູກ, ມີ​ທ້ອງ ​ເອີ້ນ​ແມ່​ມານ, ຖື­ພາ​ມານ, ມີຄັນ (ວັດ­ຈະ­ນາ­ນຸ­ກົມ​ພາ­ສາລາວ​ ທອງ­ຄຳ ອ່ອນ​ມະ­ນີ​ສອນ, 2008:658). ເມື່ອ​ສຶກ​ສາ​ເບິ່ງ​ເຄົ້າ​ຂອງ​ຄຳ​ວ່າ ມານ ແປ​ວ່າ ມີ ຊຶ່ງເປັນ​ຄຳທີ່​ຮັບ​ມາຈາກ​ພາ­ສາ​ຂະ­ເໝນ. ດັ່ງ­ນັ້ນ ແມ່​ມານ, ຖື­ພາ​ມານ ແມ່ນ​ການ​ມີ​ລູກ​ໃນ​ທ້ອງ​ນັ້ນ​ເອງ.

ຕົວ­ຢ່າງ:

- ມີ​ຄັນ​ບໍ່​ມີ​ຜົວ​ຊ້ອນ         ມານ​ທາງ​ເຂົາ​ຊິ​ວ່າ

ມີ​ລູກ​ມີ​ຍ້ອນ​ຊູ້                ເຂົາ​ຊິ​ເຮື້ອງ​ໃສ່​ທາງ... (ຄຳ​ສອນ ຍ່າ​ສອນ​ຫຼານ).

ຂ່າວທີ່ກ່ຽວຂ້ອງ