ຂ່າວຫຼ້າສຸດ

ຮູ້ພາສາລາວ ມື້ລະຄຳ : ຢຳ​ຜີ​ເຖົ້າ ຢຳ​ເຈົ້າ​ຍືນ

592 26 ທ.ວ. 2016 ຫົວຂໍ້ຂ່າວອື່ນໆ

ຢຳ​ຜີ​ເຖົ້າ ຢຳ​ເຈົ້າ​ຍືນ ເປັນ​ຄຳ​ສຸ­ພາ­ສິດ​ເກົ່າ​ຂອງ​ລາວ ທີ່​ຖອດ​ອອກ​ມາ​ຈາກ​ນິ­ທານສຽວ­ສະ­ຫວາດ ຈຶ່ງ​ມີ​ຄວາມໝາຍ​ເລິກເຊິງ ແລະ ໃຫ້​ຂໍ້​ຄິດ​ໄວ້​ຫຼາຍ. ຢຳ​ຜີ​ເຖົ້າ ຖ້າ​ຢາຍ​ຄວາມອອກ​ກໍ​ຈະ​ໄດ້ “ຢຳ​ເກງ​ຜູ້​ເຖົ້າ​ຜູ້​ແກ່​ຈະ​ຢູ່​ຮອດ​ເຖົ້າ​ຮອດ​ແກ່”, ຢຳເຈົ້າຍືນ ແມ່ນ “ຢຳ​ເກງ​ຜູ້​ເປັນ​ເຈົ້າ​ເປັນ​ນາຍ​ຈະ​ມີ​ອາ­ຍຸ​ຍືນຍາວ” ຖ້າຫາກ​ຕີ​ຄວາມ​ໃສ່​ຍຸກ​ປັດ­ຈຸ­ບັນ​ນີ້ ກໍ​ໝາຍ​ເຖິງ ເຄົາ­ລົບນັບ­ຖື​ລະ­ບຽບ ກົດ­ໝາຍ, ຮີດ­ຄອງ​ປະ­ເພ­ນີ​ແມ່ນ​ຢູ່​ດີ​ເປັນ​ສຸກ​ໃນ​ສັງ­ຄົມ.

ຕົວ­ຢ່າງ:

 - ໄປ​ໄກ​ຫຼື​ໃກ້​ໃຫ້​ຮູ້ ຢຳ​ຜີ​ເຖົ້າ ຢຳ​ເຈົ້າ​ຍືນ ເດີ!

 - ຢູ່​ບ້ານ​ເພິ່ນ​ເມືອງ​ທ່ານ​ໃຫ້​ຮູ້ ຢຳ​ຜີ​ເຖົ້າ ຢຳ​ເຈົ້າ​ຍືນ ໃຫ້​ດີ.

ຄຳ​ສຸ­ພາ­ສິດ​ນີ້ ສາ­ມາດ​ໃຊ້​ໃນ​ຊີ­ວິດ​ປະ­ຈຳ​ວັນ​ໄດ້ ເພື່ອ​ເປັນ​ການເຕືອນ​ສະ­ຕິ​ໃນ​ການ​ດຳ­ລົງ​ຊີ­ວິດ​ປະ­ຈຳ​ວັນ. ສຸ­ພາ­ສິດ​ນີ້​ກ່ຽວ​ພັນ​ກັບຈິດ­ໃຈ​ຂອງ​ຄົນ ຖ້າ​ຜູ້​ໃດ​ຮູ້ ແລະ ປະ­ຕິ­ບັດ​ຫຼັກ​ປັດ​ຊະ​ຍາ​ບູ­ຮານ​ນີ້​ໄດ້ ຈະ​ກາຍ­ເປັນ​ຜູ້​ຈະ­ເລີນ.

ຂ່າວທີ່ກ່ຽວຂ້ອງ