ຂ່າວຫຼ້າສຸດ

ດັບເຫງົາ ເຊົາຄຽດ - ໂດຍ : ບ່າວກະບື : ຂໍປ່ຽນຊື່

414 26 ທ.ວ. 2016 ຫົວຂໍ້ຂ່າວອື່ນໆ

ທ້າວ ໂອ້ ຮຽນ​ພາ­ສາ​ອັງ­ກິດ​ຄົບ​ສາມ​ປີ​ພໍ­ດີ ແຕ່​ເວົ້າ​ໄດ້​ພຽງ ກູດ​ມໍ​ນິງ ຮາວ​ອາ​ຢູ ໄອ​ແອມ​ຟາຍ ເວົ້າ​ໄດ້​ວ່າ ​ລາວ​ເປັນ​ຄົນປຶກ​ຄົນໜາ​ທີ່​ສຸດ ມີ​ມື້­ໜຶ່ງ​ຝ່າຍ​ຄູ​ເອີ້ນ​ທ້າວ ໂອ້ ໄປ​ພົບ ແລະ ຖາມ​ໄຖ່​ກ່ຽວ​ກັບ​ພາ­ສາ​ອັງ­ກິດ ຄູ​ແນະ­ນຳ​ວິ­ທີ​ຮຽນໃຫ້​ໃໝ່​ທັງ​ໝົດ ທັງ​ບັງ­ຄັບ​ໃຫ້​ເຂົາ​ເຂັ້ມ​ວຽກ​ຮຽນ​ຕື່ມ​ອີກ​ສິບ​ທົບ ແຕ່​ທ້າວ ໂອ້ ຊອກ​ວິ­ທີ​ຕໍ່​ວ່າ​ຕໍ່​ຂານ​ກັບ​ຄູວ່າ:

“ ນ້ອງ​ຢາກ​ປ່ຽນ​ຊື່​ພາ­ສາ “ ອັງ­ກິດ ” ເປັນ​ຊື່​ອື່ນ ”

“ ເປັນ​ຫຍັງ​ຈຶ່ງ​ຢາກ​ປ່ຽນ ?” ຄູ​ສໍ້​ຄືນ

“ ເພາະ­ວ່າ​ຮຽນ​ເທົ່າ­ໃດ​ມັນ​ກໍ່​ກິດ​ເຂົ້າ​ກິດ​ເຂົ້າ ຍ້ອນ​ຊື່​ມັນ​ວ່າ “ ອັງ­ກິດ ” ນ້ອງ​ຢາກ​ປ່ຽນ​ມັນ​ວ່າ “ ອັງ ຍາວ ” ຮຽນ​ແລ້ວ​ມັນ​ຈຶ່ງ​ຊິ​ຢູ່​ຍືນ​ຢູ່​ຍາວ​ນຳ​ນ້ອງ ”

ຄູ: “ ອັກ​ໂກຍ.... ຈັ່ງ​ແມ່ນ​ຊາດ​ສະ­ຫຼາດ​ກະ­ດໍ້ !!! ”.

ຂ່າວທີ່ກ່ຽວຂ້ອງ