ຮູ້ພາສາລາວ ມື້ລະຄຳ : ໄຮ້​ດຽງ­ສາ

ໄຮ້​ດຽງ­ສາ ສຳ­ນວນ ແປ​ວ່າ ບໍ່​ທັນ​ຮູ້​ຄວາມ, ບໍ່​ທັນ​ຮູ້​ຫຍັງຫຼາຍ, ຍັງ​ອ່ອນ​ນ້ອຍ. ເມື່ອ​ສຶກສາ​ເບິ່ງ​ການ​ປະ­ສົມ​ຄຳ​ແລ້ວ, ກໍ່ຈະ​ເຫັນ​ວ່າ ໄຮ້ ແປ​ວ່າ ຂາດ­ເຂີນ, ບໍ່​ມີ. ດຽງ ແປ​ວ່າ ຮູ້ ເປັນ​ຄຳ​ລາວ​ທີ່​ຮັບ​ມາ​ຈາກ​ພາ­ສາ​ຂະ­ເໝນ ດຽນ ແລະ ສາ ຄຳຊ້ອນ​ທ້າຍ ເຊັ່ນ ນອນ​ສາ, ໄປ​ສາ, ກິນ​ສາ. ໄຮ້​ດຽງ­ສາ ຈະ​ໃຊ້​ກັບ​ເດັກ­ນ້ອຍ​ທີ່​ປະ­ພຶດ ຫຼື ເວົ້າ​ວ່າ​ໄປ​ຕາມ​ທຳ​ມະ​ຊາດ ຫຼື​ສັນ­ຊາດ​ຍານ​ຂອງ​ເຂົາ.

ຕົວ­ຢ່າງ:

- ເດັກ­ນ້ອຍ​ເປັນ­ຕາ​ຮັກ ​ຍ້ອນ​ເຂົາ​ມັກ​ເວົ້າ​ແບບ​ໄຮ້​ດຽງ­ສາ

- ເດັກ­ນ້ອຍ​ຫຼິ້ນ​ນຳ​ກັນ​ແບບ​ໄຮ້​ດຽງ­ສາ

ໃນ​ທາງ​ພາ­ສາ​ສາດ, ໄຮ້​ດຽງ­ສາ ແມ່ນ​ຄຳ​ບອກ​ຄວາມ​ຮູ້­ສຶກ (expressive word) ທີ່​ສະ­ແດງ​ຄວາມ​ຮູ້­ສຶກ, ອາ­ລົມ, ຄວາມ​ຮັກ​ໃຄ່ ແລະ​ ຍັງ​ເປັນ​ໜ່ວຍ​ຄຳ​ດຽວ (morphème) ທີ່​ມີ​ສາມ​ພະ­ຍາງ ຈຶ່ງຄວາມ​ໝາຍ​ໃນ​ໂຕ​ສະ­ເພາະ.