ຂ່າວຫຼ້າສຸດ

ຮູ້ພາສາລາວ ມື້ລະຄຳ : ມະ­ໂນ

482 21 ທ.ວ. 2016 ຫົວຂໍ້ຂ່າວອື່ນໆ

ມະ­ໂນ ຄຳ​ນາມ​ທີ່​ມີເຄົ້າ​ມາ​ຈາກ​ພາ­ສາ​ປາ­ລີ-ສັນສະ​ກິດ ແປ​ວ່າ ໃຈ (ວັດ​ຈະ​ນານຸ​ກົມ​ພາ­ສາ​ລາວ ທອງ­ຄຳ ອ່ອນ​ມະ­ນີ​ສອນ, 2012:632), ຈຶ່ງ​ພົບ​ເຫັນ​ໃຊ້​ກັບ​ຄຳ​ວ່າ ຈິດ, ນຶກ, ພາບ, ທຳ... ຊຶ່ງ​ກ່ຽວ​ພັນ​ກັບ​ຄວາມ​ຄຶດ, ຄວາມ​ຮູ້­ສຶກ, ຄະ­ຕິ, ຈິດ­ໃຈ ​ເປັນ​ສ່ວນ​ຫຼາຍ ​ເຊັ່ນ ມະ­ໂນ​ຈິດ, ມະ­ໂນ​ນຶກ, ມະ­ໂນ​ທຳ, ມະໂນ​ຄະ­ຕິ, ມະ­ໂນ​ກຳ. ນອກ­ຈາກ​ນີ້ ກໍ​ພົບ​ເຫັນ​ໃຊ້​ໃນວັນ­ນະ­ຄະ­ດີ​ເກົ່າ​ຂອງ​ລາວ​ຫຼາຍ.

ຕົວ­ຢ່າງ:

...ພີ່​ຂໍຖາມ​ຂ່າວ​ນ້ອງ           ເນື້ອ​ໃໝ່​ມາ­ລະ­ສີ

   ມະ­ໂນ​ຫວານ​ຍັງ             ທ່ຽງ​ຊັນ​ໃນ​ຫັ້ນ

   ຫຼື​ວ່າ ມະ­ໂນ​ຫວານ​ນ້ອງ    ລົມ​ຕີ​ເບື້ອງ​ແກວ່ງ...

... ກໍ​ບໍ່ ເປັນ​ໄປ​ໄດ້             ໂດຍ​ດັ່ງ​ມະ­ໂນ​ນຶກ...

... ຫາ​ຜູ້​ຕ້ອງ                     ມະ­ໂນ​ໄທ້​ໄປ່​ມີ... (ສານ​ລຶບ­ພະ­ສູນ)

ໃນ​ທາງ​ພາ­ສາ​ສາດ, ມະ­ໂນ ແມ່ນ​ຄຳ​ບອກ​ຄວາມ​ຮູ້­ສຶກ (expressive word) ທີ່​ສະ­ແດງ​ຄວາມ​ຮູ້­ສຶກ, ອາ­ລົມ, ຄວາມ​ຮັກ​ໃຄ່ ແລະ ຍັງ​ເປັນ​ໜ່ວຍ​ຄຳ​ດຽວ (morphème) ທີ່​ມີ​ຄວາມ​ໝາຍ​ໃນ​ໂຕສະ­ເພາະ ​ທີ່​ສາ­ມາດ​ໃຊ້​ສົນ­ທິ​ກັບ​ຄຳ​ອື່ນ​ໄດ້.

ຂ່າວທີ່ກ່ຽວຂ້ອງ