ຂ່າວຫຼ້າສຸດ

ຮູ້ພາສາລາວ ມື້ລະຄຳ : ໝ້ຽງ

523 21 ທ.ວ. 2016 ຫົວຂໍ້ຂ່າວອື່ນໆ

ໝ້ຽງ ຄຳ​ນາມ ເປັນ​ຄຳລາວ​ເດີມ ແປ​ວ່າ ຊື່​ອາ­ຫານຢ່າງ​ໜຶ່ງ ທີ່​ມີ​ຫຼາຍ​ຢ່າງ​ປະ­ສົມກັນ ແລະ ​ມີ​ລົດ​ຊາດ​ຝາດ, ສົ້ມ, ເຜັດ, ເຄັມ ສ່ວນ​ຫຼາຍ​ປະ­ເພດໃບ ຫຼື ​ໝາກ​ໄມ້ ເອີ້ນ​ພັນ​ໝ້ຽງ, ກິນ​ໝ້ຽງ  (ວັດ­ຈະ­ນາ­ນຸ­ກົມ​ພາ­ສາລາວ ​ທອງ­ຄຳ ອ່ອນ​ມະ­ນີ​ສອນ, 2008:779). ໝ້ຽງ ເປັນ​ອາ­ຫານພື້ນ­ເມືອງ​ຂອງ​ຄົນ​ລາວ ​ທີ່​ມັກ​ກິນ​ຮ່ວມ​ກັນ​ຫຼາຍ​ຄົນ, ສ່ວນ​ຫຼາຍ​ນິຍົມ​ກິນ​ກັນ​ໃນ​ຍາມອາ­ກາດ​ຮ້ອນ. ປັດ­ຈຸ­ບັນ​ນີ້, ພົບ​ເຫັນ​ມີ​ການ​ຂາຍໝ້ຽງ​ປາ, ໝ້ຽງ​ເມືອງ​ຫຼວງ, ໝ້ຽງ​ເຂົ້າ... ໃນ​ຮ້ານ​ອາ­ຫານ​ລາວ​ອີກ. ໃນວັນ­ນະ­ຄະ­ດີ​ເກົ່າ​ລາວ ​ພົບ​ເຫັນ​ໃຊ້​ຄຳ​ວ່າ​ໝ້ຽງ​ເຊັ່ນ​ກັນ.

ຕົວ­ຢ່າງ:

...ເຊີນ​ອ້າຍ ລົງ​ຈາກ​ມ້າ    ໄປ​ແວ່​ເຊົາ​ຖຽງ

   ກິນ​ໝ້ຽງ​ຄຳ​ນຳ​ກັນ        ທັງ​ແຈ່ວ​ບອງ​ຂອງ​ຈ້ຳ...

...ຕໍ່​ຈາກ​ນັ້ນ ທັງ​ສອງ​ໄດ້   ເຂົ້າ​ໄປ​ນັ່ງ​ຢູ່​ໃນ​ຖຽງ

   ກິນ​ໝ້ຽງ ຄຳ​ນຳ​ກັນ       ພ້ອມ​ເພື່ອນ​ສອງ​ເສ­ນາ​ໄທ້... (ນິ­ທານ ທ້າວ​ເຈັດ​ໄຫ)

ໃນ​ດ້ານ​ພາ­ສາ​ສາດ ໝ້ຽງ ເປັນ​ຄຳ​ບອກ​ປະ­ເພດ (generic word) ແລະ ມີ​ສຳ­ນຶກ​ລວມ (concept) ຄື​ຜັກ​ປະ­ສົມ​ຫຼາຍຢ່າງ​ ມີລົດ​ຊາດ​ຝາດ, ເຜັດ...

ຂ່າວທີ່ກ່ຽວຂ້ອງ