ວັນອັງຄານ ທີ 16 ກໍລະກົດ 2019 16:59:19
- ຝຣັ່ງ ຈະສ້າງຕັ້ງກອງບັນຊາການກອງກຳລັງອາວະກາດ
- AIIB ມີສະມາຊິກເພີ່ມຂຶ້ນ
- ປາກິດສະຖານ ຈະຕ້ອງໄດ້ຈ່າຍຄ່າຊົດເຊີຍ ໃຫ້ແກ່ບໍລິສັດຂອງຕ່າງປະເທດ ຍ້ອນປິດບໍ່ແຮ່ຄຳ
- ເກີດອຸບັດເຫດການຄົມມະນາຄົມ ຢູ່ໃນຊູແອດ ແລະ ອິນໂດເນເຊຍ
- ອິນເດຍຍົກເລີກການຍິງສົ່ງຍານສຳຫຼວດດວງຈັນ
- American Airlines ຕໍ່ກຳນົດການຫ້າມບິນ ກັບເຮືອບິນ Boeing 737 MAX
- ການເຈລະຈາການຄ້າລະຫວ່າງ ສ ອາເມຣິກາ ກັບອິນເດຍ ບໍ່ບັນລຸບາດກ້າວບຸກທະລຸ
- ສະພາຕ່ຳ ສ ອາເມຣິກາ ຮັບຮອງຮ່າງກົດໝາຍວ່າດ້ວຍການໃຊ້ຈ່າຍປ້ອງກັນຊາດປີ 2020
- IMF ກະກຽມອະນຸມັດເງິນກູ້ 5,4 ຕື້ໂດລາ ໃຫ້ແກ່ອາກຊັງຕິນ
- ເກີດພາຍຸຝົນ ແລະດິນເຈື່ອນຢູ່ໃນເຂດອາຊີໃຕ້
ຮູ້ພາສາລາວ ມື້ລະຄຳ : ຫ້າງທ້ອງກິນໄຂ່ແລນ
ເປັນຄຳສຸພາສິດເກົ່າຂອງລາວ ທີ່ຖອດອອກມາຈາກນິທານ ສຽວສະຫວາດ ຈຶ່ງມີຄວາມໝາຍເລິກເຊິງ ແລະ ໃຫ້ຂໍ້ຄິດໄວ້ຫຼາຍ. ຫ້າງທ້ອງກິນ ໝາຍເຖິງ ຄາດຫວັງ, ຄວາມໂລບ, ຄວາມໄຝ່ຝັນ ຢາກໄດ້ໂດຍບໍ່ໃຊ້ປັນຍາຕຶກຕອງຄັກແນ່ ຊຶ່ງມັກກ່ຽວພັນກັບຄົນທີ່ມາຫຼອກລວງ, ຕົວະຍົວະເອົາສິ່ງຂອງມີຄ່ານຳໂຕໄດ້. ເວົ້າງ່າຍໆ ແມ່ນເປັນຄົນຫູເບົາເອົາງ່າຍ ກໍຖືກຫຼອກລວງໄດ້ງ່າຍ. ໄຂ່ແລນ ໂດຍທຳມະຊາດການຊອກຫາໄຂ່ແລນແມ່ນຍາກ ແລະ ນ້ອຍໜັກນ້ອຍໜາຈຶ່ງຈະພົບເຫັນ. ຄວາມໝາຍລວມຂອງຄຳສຸພາສິດນີ້ ແມ່ນການຄາດຫວັງຢາກໄດ້ໃນສິ່ງທີ່ຫາຍາກທີ່ສຸດ ແມ່ນເປັນໄປໄດ້ຍາກ.
ຕົວຢ່າງ:
- ລູກຫວຍຄອງຄອຍນຳດອກເບ້ຍເງິນຫວຍ ປານຫ້າງທ້ອງ ກິນໄຂ່ແລນ
- ຫ້າງທ້ອງກິນໄຂ່ແລນ ນຳດອກເບ້ຍສູງນຳເງິນຫວຍ
ຄຳສຸພາສິດນີ້ ສາມາດໃຊ້ໃນຊີວິດປະຈຳວັນໄດ້ ເພາະປັດຈຸບັນນີ້ ມັກມີຄົນມາຊັກຊວນໃຫ້ຄຳສັນຍາວ່າຈະໄດ້ເງິນຄຳທໍ່ນັ້ນທໍ່ນີ້ ໂດຍບໍ່ມີຫຼັກຖານ ເພື່ອແລກເອົາສິ່ງຂອງມີຄ່າໄປ ຜູ້ໃດຫູເບົາໃຈງ່າຍ ກໍ່ຕົກເປັນເຫຍື່ອ.
