ຂ່າວຫຼ້າສຸດ

ຮູ້ພາສາລາວ ມື້ລະຄຳ : ຄຳ​ລາວ​ເດີມ

682 12 ທ.ວ. 2016 ຫົວຂໍ້ຂ່າວອື່ນໆ

ກະ­ຖິນ ຄຳ​ນາມ ເປັນ​ຄຳລາວ​ເດີມ​ ມີ​ເຄົ້າ​ມາ​ຈາກ​ພາ­ສາປາ­ລີ ກັນ​ຖິນ ຫຼື ກະ­ຖິນ ແປ​ວ່າ​ຜ້າ ທີ່​ເອົາ​ໄປ​ເຄນ​ພິກ­ຂຸ​ທີ່​ຈຳ​ພັນ​ສາແລ້ວ, ບຸນ​ກະ­ຖິນ​ເລີ່ມ​ແຕ່​ເດືອນ 11 ແຮມ 1 ຄ່ຳ​ເຖິງ​ເດືອນ 12 ເພັງ​ຂອງທຸກ​ປີ  (ວັດ­ຈະ­ນາ­ນຸ­ກົມ​ພາ­ສາລາວ​ ທອງ­ຄຳ ອ່ອນ​ມະ­ນີ​ສອນ, 2008:15). ກະ­ຖິນ ເປັນ​ຄຳ​ບັນ­ຍັດໃຫ້​ໃຊ້​ທົ່ວ​ໄປ​ທັງ​ພາ­ສາ​ເວົ້າ ແລະ ຂຽນ. ບາງ​ກໍ­ລະ­ນີ​ພົບ​ເຫັນ​ໃຊ້ກັນ​ຖິນ ດ້ານ​ຄວາມ​ໝາຍແມ່ນ​ຄື​ກັນ​ກັບ ກະ­ຖິນ. ແຕ່​ຄວນ​ໃຊ້ ກະຖິນ ເພື່ອ​ໃຫ້​ເປັນ​ເອ­ກະພາບ​ກັນ.

ຕົວ­ຢ່າງ:

... ເພິ່ນ​ໄດ້ໝາຍ​ເຂດ​ໄວ້   ນັບ​ແຕ່​ອອກ​ພັນ​ສາ

ໄປ​ຫາ​ເດືອນ​ສິບ​ສອງ​ເພັງ  ເຮັດ​ກະ­ຖິນ​ທານ​ໄດ້

ຫາ​ກວ່າກາຍ​ເຂດ​ນັ້ນ       ໃຫ້​ຜັນ​ເປັນ​ຜ້າ­ປ່າ

ອາ­ນິ­ສົງທີ່​ສົ່ງ​ໃຫ້              ບໍ່​ຫຼາຍ​ລົ້ນ​ເທົ່າ​ກະ­ຖິນ ແທ້­ແລ້ວ... (ຮີດ​ສິບ​ສອງ)

ໃນ​ດ້ານ​ພາ­ສາ​ສາດ ກະ­ຖິນ ເປັນ​ຄຳ​ບອກ​ປະ­ເພດ (generic word) ແລະ​ມີ​ສຳ­ນຶກ​ລວມ (concept) ຄື​ຜ້າ​ສີ­ເຫຼືອງ, ແພ ແລະ ສິ່ງ​ຈຳ­ເປັນ​ທີ່​ພິກ­ຂຸ​ຕ້ອງ­ການ​ໃຊ້​ສອຍ​ໃນ​ຊີ­ວິດ​ປະ­ຈຳ​ວັນ.

ຂ່າວທີ່ກ່ຽວຂ້ອງ