ກີ­ລາ ກັບ ສຸ­ລາ - ໂດຍ : ສາວ​ສິ້ນ​ແຕ້ມ

555 12 ທ.ວ. 2016 ຫົວຂໍ້ຂ່າວອື່ນໆ
ກີ­ລາ ກັບ ສຸ­ລາ - ໂດຍ : ສາວ​ສິ້ນ​ແຕ້ມ

ບົນ​ເສັ້ນ­ທາງ​ສຸ­ຂະ­ພາບ​ນັ້ນ ກີ­ລາ ແລະ ສຸ­ລາ ຢູ່​ກັນ​ຄົນ​ລະ​ໂລກ ມີ​ກີ­ລາ​ແລ້ວ​ບໍ່​ມີ​ສຸ­ລາ ຖ້າ​ດື່ມ​ສຸ­ລາ​ແລ້ວ ກໍ່​ບໍ່​ຫຼິ້ນ​ກີ­ລາ ແຕ່ຢູ່​ບ້ານເມືອງ​ເຮົາ​ດຽວ­ນີ້ ກີ­ລາ ແລະ ສຸ­ລາ ໄດ້​ແຮກ­ສ່ຽວ​ກັນ​ຢ່າງ​ແນບແໜ້ນ ຫຼັງ​ຈາກ​ຕີກ​໋ອຟ ກໍ່​ຕ້ອງ​ສະ­ຫຼຸບ​ກັນ​ຢູ່​ຮ້ານ​ສຸ­ລາ​ບາ​ຢອງ ຫຼັງ​ຈາກ​ແຂ່ງ​ກີ­ລາ​ເຕະ­ບານ ກະ­ຕໍ້ ປິງ­ປ່ອງ ໝາກ​ຂົນ​ໄກ່ ແລະ ອື່ນໆ ກໍ່​ຕ້ອງ​ສະ­ຫຼອງ​ກັນ​ດ້ວຍ​ນ້ຳ​ຕາ​ຜີ​ເຜດ ສຳ­ລັບ​ກີ­ລາ​ບູນ​ນັ້ນ ບໍ່​ໃຫ້​ເວົ້າ ບູນ​ກັບ​ເບຍ​ໄປ​ນຳ​ກັນ​ອ່ອງ​ລ່ອງ ເພາະ​ໂຕ “ບ” ຄື​ກັນ ກີລາ​ນີ້ ​ໄດ້​ກໍ່​ກິນ​ ເສຍ​ກໍ່​ກິນ ມີ​ຜູ້​ເຫ​ຍັ້ນ​ແບບ​ໄຫຼ​ເຕົ້າ​ກ້ຽວ​ໄປ​ວຽນ­ມາ ເລື່ອງ​ເຫຼົ້າ​ຢາ​ປາ​ແປ້ງ​ນັ້ນ ກິນ​ມ່ວນ​ກັນ​ກໍ່​ບໍ່​ວ່າ​ຫຍັງ ຖ້າ​ຮູ້​ຄວາມ​ພໍດີ ແຕ່​ການ​ເອົາ​ເຫຼົ້າເຂົ້າ​ມາ​ແຮກ­ສ່ຽວ​ກັບ​ກີ­ລາ​ນັ້ນ ​ຄວນ​ຄະ­ລຳ​ແທ້ ແທ້ ເພາະ​ມັນ​ຄົນ​ລະ​ເລື່ອງ.

ຂ່າວທີ່ກ່ຽວຂ້ອງ