ຂ່າວຫຼ້າສຸດ

ຮຽນ

521 09 ທ.ວ. 2016 ຫົວຂໍ້ຂ່າວອື່ນໆ

ຮຽນ​ຄຳ​ສັບ​ດຽວ​ເທົ່າ​ນີ້                    ມີ​ທັງ​ຊົ່ວ​ທັງ​ດີ

ມີ​ທັງ​ຈົນ​ທັງ​ມີ                          ຜູ້​ອ່ານ​ດີ​ຈະ​ເຫັນ​ຮູ້

ຄື​ຮຽນ​ຫຍັງ​ກໍ່​ຈະ​ໄດ້                     ຕາມໃຈ​ໝົດ​ທຸກ​ຢ່າງ

ຊ່າງ​ຄິດ​ຄືນ​ຄົ້ນຄວ້າ                     ດີ-ຊົ່ວ​ຮ້າຍ​ໃຫ້​ຄິດ​ທວນ​ເບິ່ງ​ເດີ...

ອີ ຖ້າ​ຮ່ຳຮຽນ​ຮອບ​ຮູ້                    ຖືກ​ບ່ອນ​ຕາມ​ແນວທາງ

                                    ຊົມເຊີຍ​ນຳ

ໄປ​ຕາມ​ແຜນ​ຂອງ​ພັກ-ລັດ                 ທີ່​ເພິ່ນ​ຈັດ​ກຽມ​ໃຫ້

ໄດ້​ສຸມ​ໃສ່​ພັດທະນາ​ບ້ານ                  ໃຫ້​ຈົບງາມ​ເຮືອງ​ຮຸ່ງ

ຮຽນ​ສູງໆ​ເພື່ອ​ຮັບ​ໃຊ້                     ໃນ​ທາງ​ເບື້ອງ​ປະເທດ​ຕົນ​ຖືກ​ແລ້ວ..

ແນວ​ບາງ​ຄົນ​ຜັດ​ຮຽນ​ເບື້ອງ                ເລື່ອງ​ບໍ່​ແມ່ນ​ຕາມ​ແນວທາງ

ວາງ​ແຜນ​ໂກງ​ກິນ​ລັກ                    ບ້ານ​ເມືອງ​ຈິບຫາຍ​ແທ້

ຮຽນ​ເອົາ​ແນວ​ການ​ປຸ້ນ                   ຂະໂມຍ​ຂອງ​ລັກ​ເຄື່ອງ​ບໍ່​ດີ​ແລ

ຮຽນ​ແຕ່​ແນວ​ສິງ​ເຮິ​ຮ້າຍ                  ສັງຄົມ​ບ້ານ​ບໍ່​ກ່າວ​ຊົມ ຍ້ອງ​ດອກ..

ຊັ້ນ​ຂໍ​ບອກ​ໃຫ້​ຮູ້                        ໃນ​ເລື່ອງ​ແຫ່ງ​ການ​ຮຽນ​ຂອງ​ຄົນ..

ບຶດ​ຄາວ​ດຽວ​ກໍ່​ເປັນ​ປຸບ                   ບໍ່​ຍາກ​ເດີ​ການ​ຮຽນ​ນີ້

ຕ່າງ​ແຕ່​ດີ ຫຼື ຮ້າຍ                      ຄົນ​ທັງຫຼາຍ​ຍອມຮັບ​ບໍ່?

ຫົວຂໍ້​ຄຳ​ວ່າ “ຮຽນ” ສັບ​ນີ້                 ບໍ່​ເອົາ​ດີໆຄິດ​ຖີ່​ຖ້ວນ

                                    ຊິ​ຈວນ​ເຈັ້ງ​ຈອດ​ຢຸດ​ແທ້ແລ້ວ.

ຂ່າວທີ່ກ່ຽວຂ້ອງ