ຮູ້ພາສາລາວ ມື້ລະຄຳ : ໄອ​ຍະ​ການ

498 07 ທ.ວ. 2016 ຫົວຂໍ້ຂ່າວອື່ນໆ

ຄຳ​ນາມ ທີ່​ມີ​ເຄົ້າ​ມາ​ຈາກພາ­ສາ​ ປາ­ລີ ເປັນ​ຄຳ​ປະ­ສົມ​ກັນລະ­ຫວ່າງ ໄອ​ຍະ ແປ​ວ່າ ຜູ້​ເປັນເຈົ້າ, ຜູ້​ເປັນ​ໃຫຍ່, ຜູ້​ເປັນ​ນາຍ ແລະ ການ ຄຳ​ປາ­ລີ ແປ​ວ່າ ການດຳ­ເນີນ, ຈັດ​ແຈງ, ໄອ​ຍະ​ການ​ ແປ​ວ່າ ຕຳ­ແໜ່ງ​ຝ່າຍ​ຍຸ­ຕິ​ທຳ​ທີ່​ມີ­ໜ້າທີ່​ຟ້ອງ​ຄວາມ​ແທນລັດ­ຖະ­ບານ (ວັດ­ຈະ­ນາ­ນຸ­ກົມ​ພາ­ສາ​ລາວ ທອງ­ຄຳ ອ່ອນ​ມະ­ນີ​ສອນ, 2008:829). ໄອ​ຍະ​ການ ເປັນ​ຄຳ​ສັບກົດ­ໝາຍ ພົບເຫັນ​ໃຊ້​ກັບ ອົງ­ການ, ຫ້ອງ­ການ ເອີ້ນ​ວ່າ ອົງ­ການ​ໄອຍະ​ການ, ຫ້ອງ​ໄອ​ຍະ​ການ​ຂັ້ນ​ນະ­ຄອນ­ຫຼວງ, ແຂວງ ເປັນ­ຕົ້ນ.

ຕົວ­ຢ່າງ:

- ອົງ­ການ​ໄອ​ຍະ​ການ​ປະ­ຊາ­ຊົນ ​ມີ­ໜ້າ​ທີ່​ຕິດ­ຕາມ, ກວດ­ກາ​ການ ເຄົາ­ລົບ ແລະ ປະ­ຕິ­ບັດ​ກົດ­ໝາຍ. ນອກ­ຈາກ​ນີ້, ຍັງ​ສາ­ມາດ​ຟ້ອງ​ຜູ້​ຖືກ​ຫາ​ ຂຶ້ນ​ສານ​ໄດ້​ຕາມ​ກົດ­ໝາຍ. (ກົດ­ໝາຍ​ສ້າງ​ນິ­ຕິ​ກຳ, 2012).

ໃນ​ທາງ​ພາ­ສາ​ສາດ, ໄອ​ຍະ​ການ ເປັນ​ໜ່ວຍ​ຄຳ​ດຽວ (morphème) ທີ່​ປະ­ກອບ​ຂຶ້ນ​ດ້ວຍ​ການ​ສົນ­ທິ (ການ​ຕໍ່​ຄຳ), ເມື່ອລວມກັນ​ແລ້ວ​ ກໍ​ມີ​ສາມ​ໜ່ວຍ​ສຽງ (phonème) ຈຶ່ງ​ມີ​ຄວາມ​ໝາຍ​ສົມບູນ.

ຂ່າວທີ່ກ່ຽວຂ້ອງ