ຂ່າວຫຼ້າສຸດ

ເບນິເຕຊເນື້ອຫອມ ! ແມນຯ ຊີຕີ-ນິວຄາສເຊິ່ນ-ລີເວີພູນ ຫວັງດຶງຄຸມທີມ

2.907 16 ກ.ພ. 2015 ນານາກີລາໂລກ
ເບນິເຕຊເນື້ອຫອມ ! ແມນຯ ຊີຕີ-ນິວຄາສເຊິ່ນ-ລີເວີພູນ ຫວັງດຶງຄຸມທີມ

<p>         <strong>3 ທີມດັງອັງກິດຢ່າງ ແມນເຊສເຕີ ຊິຕີ, ນິວຄາສເຊິ່ນ ຢູໄນເຕັດ ລວມທັງ ລິເວີພູນ ຕົກເປັນຂ່າວໝາຍຕາ ຣາຟາເອວ ເບນິເຕຊ ຜູ້ຈັດການທີມ ນາໂປລີ ມາຄຸມທີມໃນໄລຍະຈົບລະດູການນີ້ ຫຼັງສັນຍາຂອງຜູ້ກ່ຽວກັບນາໂປລີໃກ້ໝົດລງເຕັມທີ</strong><strong>.</strong></p> <p>           ຣາຟາເອວ ເບນິເຕຊ ຜູ້ຈັດການທີມນາໂປລີ ສະໂມສອນແຫ່ງເວທີ ກັນໂຊ່ ເຊເຣຍ ອາ ອິຕາລີ ຍັງຄົງເນື້ອຫອມ ເມື່ອ 3 ທີມດັງໃນ ພຣີເມຍລີກ ອັງກິດ ຢ່າງ ນິວຄາສເຊິ່ນ ຢູໄນເຕັດ, ແມນເຊສເຕີ ຊິຕີ ແລະ ລິເວີພູນ ທີມເກ່ົາ ສົນໃຈຄວ້າຕົວໄປຄຸມທີມໃຫ້ໃນໄລຍະພັກຮ້ອນນີ້ ຈາກລາຍງານຂອງ ຄໍຣິເອເຣ່ ເດວໂລ່ ສະປອຣ໌ດ ສື່ຊື່ດັງຂອງອີຕາລີ ເມື່ອວັນພຸດທີ 11 ກຸມພາທີ່ຜ່ານມາ.</p> <p>           ຜູ້ຈັດການຊາວແອັດສະປາຍ ໃກ້ໝົດສັນຍາກັບນາໂປລີເຕັມທີ ຈົນເຮັດໃຫ້ອະນາຄົດໃນຖິ່ນ ຊານ ເປົາໂລ ເລີ່ມບໍ່ແນ່ນອນ ເຖິງແມ່ນ ທ່ານ ອໍເຣລິໂອ ເດ ລໍເຣນຕິສ ປະທານສະໂມສອນ ນາໂປລີ ຈະຢືນຢັນວ່າ ຕ້ອງການໃຫ້ ເບນິເຕຊ ຢູ່ຄຸມທີມຕໍ່ໄປກໍຕາມ ຈາກສະຖານະການດັ່ງກ່າວ ເຮັດໃຫ້ທັງ ລີເວີພູນ, ແມນເຊສເຕີ ຊີຕີ, ນິວຄາສເຊິ່ນ ລວມທັງ ປາຣີສ ແຊງ-ແຊກແມງ ທີມເສດຖີໃນ ລີກ ອອງ ຝຣັ່ງ ຕ່າງຈັບຕາສະຖານະການຂອງຜູ້ຈັດການໃຫຍ່ໄວ 54 ປີ ຢ່າງໃກ້ຊິດ.</p> <p>         ເບນິເຕຊ ປະສົບຄວາມສຳເລັດໃນການເຮັດວຽກທີ່ລີກອັງກິດພໍສົມຄວນ ທັງສະໄໝທີ່ຄຸມ ລິເວີພູນ ຄວ້າແຊັມລາຍການສຳຄັນຢ່າງ ຢູຟ່າ ແຊັມປຽນ ລີກ ປີ 2005 ແລະ ເອຟເອ ຄັບ ປີ 2006 ລວມທັງນຳ ເຊວຊີ ຄວ້າ ຢູໂຣປາ ລີກ ເມື່ອປີ 2013 ດ້ວຍ.</p>

ຂ່າວທີ່ກ່ຽວຂ້ອງ