ເຊວຊີ-ແມນຢູ ຫູຕັ້ງ ! ຊະໄວນີ່ ພ້ອມອຳລາບາເຢິນ

2.693 12 ກ.ພ. 2015 ນານາກີລາໂລກ
ເຊວຊີ-ແມນຢູ ຫູຕັ້ງ ! ຊະໄວນີ່ ພ້ອມອຳລາບາເຢິນ

<p>         <strong>ກອງເຊຍ ແມນເຊສເຕີ ຢູໄນເຕັດ ກັບ ເຊລຊີ ໄດ້ຄາດຫວັງກັນຖ້ວນໜ້າ ເມື່ອ ບາສຕຽນ ຊະໄວສະໄຕເກີ ຈອມທັບທີມຊາດເຢຍລະມັນ ຊຸດແຊັມເຕະບານໂລກ </strong><strong>2014 ຂອງ ບາເຢິນ ມິວນິກ ເອີ່ຍປາກພ້ອມຍ້າຍອອກຈາກຖິ່ນ ອັນລິອັນ ອາຣີນ່າ ເພື່ອໄປຫາຄວາມທ້າທາຍ    ໃໝ່ໆໃນລີກຕ່າງແດນ.</strong></p> <p>           ກອງກາງໄວ 30 ປີ ຮັບໃຊ້ທີມ ບາເຢິນ ມິວນິກ ຕັ້ງແຕ່ປີ 1998 ຜ່ານການເປັນແຊັມບຸນເດສລີກາ 7 ສະໄໝ ລວມເຖິງແຊັມ ຢູຟ່າ ແຊັມປຽນ ລີກ ເມື່ອປີ 2013 ແລະ ເຖິງແມ່ນມີສັນຍາຢູ່ອີກ 17 ເດືອນ ແຕ່ສື່ໃນແອັດສະປາຍອອກມາເປີດເຜີຍເລື່ອງປຶ້ມຊີວະປະຫວັດຂອງເຂົາ ເຊິ່ງກຳລັງຈະອອກວາງຂາຍໃນໄວໆນີ້ ວ່າຜູ້ກ່ຽວໄດ້ລັກເຜີຍຄວາມຄິດເລື່ອງການຍ້າຍອອກໄປຄ້າຝີຕີນນອກປະເທດບ້ານເກີດ ເພາະຮູ້ສຶກວ່າໄດ້ທຸກຢ່າງຮ່ວມກັບທີມ ບາເຢິນ ມິວນິກ ຄົບໝົດທຸກຢ່າງແລ້ວ ເຊິ່ງເຖິງແມ່ນຍັງບໍ່ມີໃຜຍື່ນຂໍ້ສະເໜີມາໃຫ້ພິຈາລະນາ ແຕ່ກໍເຮັດໃຫ້ຫຼາຍທີມທີ່ເຄີຍໃຫ້ຄວາມສົນໃຈເຂົາຢ່າງ ແມນເຊສເຕີ ຢູໄນເຕັດ ແລະ ເຊວຊີ ຕ້ອງງ່ຽງຫູຟັງກັນທັນທີ.</p> <p>           ຫຼຸຍ ຟານ ກາວ ຜູ້ຈັດການທີມແມນຢູ ເຄີຍຮ່ວມວຽກກັບ ຊະໄວສະໄຕເກີ ມາກ່ອນ ສະໄໝຄຸມທີມ ບາເຢິນ ໄລຍະປີ 2009–11 ແລະເປັນຄົນຫຍັບເຂົາຈາກຕຳແໜ່ງປີກ ມາເຮັດໜ້າທີ່ກອງກາງຕົວກາງ ທັງມີຂ່າວຢາກໄດ້ມາເສີມຂ້ຽວເລັບໃນຖິ່ນ ໂອລດ໌ ແທຣບຟອດ ຕັ້ງແຕ່ລະ ດູການກ່ອນ.</p> <p> ດັ່ງນັ້ນ ຈຶ່ງອາດກັບໄປທາບທາມສິດເກ່ົາອີກຄັ້ງ ຫາກຍັງຄົງພາດຫວັງ ເຄວິນ ສະຕຣອດມັນ ຈອມທັບຊາວໂຮນລັງຂອງ ໂຣມ່າ ເຊິ່ງ ຟານ ກາວ ວາງໄວ້ໃຫ້ເປ້ົາໝາຍອັນດັບ 1 ແຕ່ນອກຈາກຕ້ອງແຂ່ງກັບ ເຊວຊີ ແລ້ວ ກໍຍັງມີ ປາຣີສ ແຊງແຊກແມງ, ຣີວ ມາດຣິດ ແລະ ບາເຊໂລນ່າ ທີ່ຢາກໄດ້ ຊະໄວສະໄຕເກີ ດ້ວຍກັນທັງນັ້ນ.</p>

ຂ່າວທີ່ກ່ຽວຂ້ອງ