ຂ່າວຫຼ້າສຸດ

ເປ໊ປ ກວາດິໂອລາ ເມີນຕໍ່ສັນຍາ ບາເຢິນ ມິວນິກ

2.173 06 ກ.ພ. 2015 ນານາກີລາໂລກ
ເປ໊ປ ກວາດິໂອລາ ເມີນຕໍ່ສັນຍາ ບາເຢິນ ມິວນິກ

<p> <strong>        ເມໂທຣ ສື່ຂອງອັງກິດ ຕີແຜ່ຂ່າວ ໂຈເຊັບ ກວາດິໂອລ່າ ຜູ້ຈັດການທີມບາເຢິນ ແຈ້ງກັບຕ້ົນສັງກັດວ່າຈະບໍ່ຕໍ່ສັນຍາກັບທີມທີ່ຈະໝົດລົງຫຼັງຈົບລະດູການໜ້າ ເຊິ່ງເຮັດໃຫ້ ແມນເຊສເຕີ ຊິຕີ ແລະ ອາເຊນ່ອນ ຕາຕີ່ຂຶ້ນທັນທີ.</strong></p> <p>           ໂຈເຊັບ ກວາດິໂອລ່າ ຜູ້ຝຶກສອນຄົນເກ່ັງຂອງ ບາເຢິນ ມິວນິກ ສະໂມສອນຍິ່ງໃຫຍ່ແຫ່ງວົງການ ບຸນເດສລີກາ ເຢຍລະມັນ ບໍ່ຄິດທີ່ຈະຕໍ່ສັນຍາຂອງເຂົາກັບທີມ ທັງທີ່ມັນຈະໝົດລົງຫຼັງຈົບລະດູການໜ້າແລ້ວ ຕາມລາຍງານຂອງ ເມໂທຣ ສື່ຂອງປະເທດອັງກິດ.</p> <p>           ກວາດິໂອລ່າ ເຂ້ົາມາຄຸມທີມ ບາເຢິນ ເມື່ອປີ 2013 ແລະ ເຂົາກໍສ້າງຜົນງານໄດ້ໜ້າພໍໃຈ ພາທີມໄດ້ແຊັມລີກ ແລະ ເດເອຟເບ ໂພຄາລ ເມື່ອລະດູການກ່ອນ ລວມເຖິງຍັງໄດ້ແຊັມລາຍການ ຢູຟ່າ ຊູເປີ ຄັບ ກັບເສິກຊິງແຊັມສະໂມສອນໂລກດ້ວຍ.</p> <p>           ຂ່າວໃນຄັ້ງນີ້ເຮັດໃຫ້ ແມນເຊສເຕີ ຊິຕີ ແລະ ອາເຊນ່ອນ 2 ຍອດສະໂມສອນແຫ່ງເວທີ ພຣີເມຍລີກ ອັງກິດ ຫູຜຶ່ງທັນທີ ໂດຍ ແມນຊີຕີ ອາດຕ້ອງການຜູ້ຈັດການຄົນໃໝ່ ຫຼັງຈາກທີ່ ມານູເອວ ເປເຢກຣີນີ່ ຜູ້ຈັດການທີມຊາວຊິລີຈະໝົດສັນຍາກັບພວກເຂົາທັນທີທີ່ຈົບລະດູການ 2015-16 ເຊ່ັນກັນ.</p> <p>           ຂະນະທີ່ ອາເຊນ່ອນ ອາດຕ້ອງຫາຄົນເຂ້ົາມາແທນ ອາແຊນ ເວນເກີ ຜູ້ຈັດການໃຫຍ່ເລືອດຝຣັ່ງ ຈາກການທີ່ ເວນເກີ ມີອາຍຸ 65 ປີເຂ້ົາໄປແລ້ວ ແລະ ມີແວວຂຶ້ນໄປຮັບຕຳແໜ່ງຜູ້ບໍລິຫານຂອງທີມໃນອີກບໍ່ດົນນີ້ ໂດຍສະເພາະຢ່າງຍິ່ງ ຫາກທີມຂອງເຂົາບໍ່ໄດ້ສິດໄປເຕະບານ ຢູຟ່າ ແຊັມປຽນ ລີກ ໃນລະດູການໜ້າ.</p>

ຂ່າວທີ່ກ່ຽວຂ້ອງ