ຂ່າວຫຼ້າສຸດ

"ເປົາລິສຕາ" ໄດ້ຮັບໃບປະນຸຍາດເຮັດວຽກ ກຽມຮ່ວມທີມອາເຊນອນ 11,2 ລ້ານປອນ

782 27 ມ.ກ. 2015 ນານາກີລາໂລກ
"ເປົາລິສຕາ" ໄດ້ຮັບໃບປະນຸຍາດເຮັດວຽກ ກຽມຮ່ວມທີມອາເຊນອນ 11,2 ລ້ານປອນ

<p> <strong>        ເປົາລິສຕາ ກອງ​ຫຼັງແບັກຊາວບຣາຊິນ ໄດ້ຮັບການອະນຸມັດໃບອະນຸຍາດ​ເຮັດ​ວຽກ​ເທິງແຜ່ນດິນສະຫະຣາຊະອານາຈັກ (</strong><strong>WorkPermit) ກຽມຮ່ວມທີມ ອາເຊນອນ ສະໂມສອນຊື່ດັງແຫ່ງ ພຣີເມຍ ລີກ ດ້ວຍຄ່າຕົວ 11,2 ລ້ານປອນ.</strong></p> <p>           ນັກ​ເຕະ​ໄວ 24 ປີ ຍັງບໍ່ເຄີຍຜ່ານການຕິດທຸງຊາດບຣາຊິນມາກ່ອນ ດັ່ງນັ້ນຈຶ່ງອາດເປັນອຸປະສັກສຳລັບການຍ້າຍສັງກັດ ​ໄລຍະເປິດຕະຫຼາດເດືອນມັງກອນ​ນີ້ ເນື່ອງຈາກຜູ້ກ່ຽວບໍ່ໄດ້ຮັບ​ໃບ​ອະນຸຍາດ​ເຮັດ​ວຽກແບບອັດຕະໂນມັດ ​ແຕ່ວ່າຫຼ້າສຸດ ເປົາລິສຕາ ໄດ້ຮັບໄຟຂຽວມຸ່ງໜ້າສູ່ຖິ່ນ ເອມິເຣດ ສະເຕດຽມ.</p> <p>           ໂດຍກອງ​ຫຼັງຊາວບຣາຊິນ  ຕ້ອງແຍ່ງຊີງຕຳແໜ່ງກັບ ແພ ແມເຕຊັກເກີ ແລະ ໂລຣັອງ ກອສຊຽວນີ  2 ກອງ​ຫຼັງ​ຕົວ​ຈິງ  ຫຼັງຈາກ ບີຢາຣີວ ຢືນຢັນທາງເພຈ "ທວິດເຕີ" ສື່ສັງຄົມອອນລາຍ ຢືນຢັນວ່າ ບັນລຸຂໍ້ຕົກລົງກັບທີ​ມໃຫຍ່ແຫ່ງນະຄອນຫຼວງລອນດອນ ສະຫຼັບຂົ້ວກັບ ໂຈເອວ ແຄມເບວ ກອງໜ້າດາວຮຸ່ງຊາວ ຄອສຕາ ຣິກາ ແບບຢືມຕົວ.</p> <p>        ເປົາລິສຕາ ເຊັນສັນຍາກັບ "ເຢວໂລ ຊັບມາຣີນ" ຕັ້ງແຕ່​ເລີ່​ມຕົ້ນ​ລະດູການທີ່ຜ່ານ​ມາ ຍ້າຍຈາກ ເອສປໍເຕ ຄລູເບ ວິຕໍເຣຍ ສະໂມສອນໃນບ້ານເກີດ ຄ່າຕົວ 3 ລ້ານ​ເອີໂຣ ປະສົບບັນຫາດ້ານການປັບຕົວ​ໄລຍະປີທໍາ​ອິດ​ເທິງສັງວຽນ ລາ ລີກາ ກ່ອນພັດທະນາຝີຕີນຂຶ້ນມາເປັນກຳລັງສຳຄັນ.</p>

ຂ່າວທີ່ກ່ຽວຂ້ອງ